ທ່ານນາງຫງວຽນທິກີມເງິນຕ້ອນຮັບເອກອັກຄະລັດຖະທູດ,ຫົວໜ້າອົງການຕ່າງໜ້າຫວຽດນາມປະຈຳຕາງປະເທດ
ທ່ານນາງ ຫງວຽນທິກີມເງິນ ຕ້ອນຮັບເອກອັກຄະລັດຖະທູດ,
ຫົວໜ້າອົງການຕ່າງໜ້າຫວຽດນາມປະຈຳຕາງປະເທດ
(ພາບ:ປະຊາຊົນ)
(vovworld) - ກະຊວງການຕ່າງປະເທດຄວນປະຕິບັດພາລະໜ້າທີ່ເປັນເສນາທິການໃຫ້ສະພາແຫ່ງຊາດ, ລັດຖະບານໃນການກໍ່ສ້າງ ແລະ ປັບປຸງລະບົບກົດໝາຍເປັນຢ່າງດີ ເພື່ອຜັນຂະຫຍາຍບັນດານະໂຍບາຍພົວພັນຕ່າງປະເທດຂອງພັກ ແລະ ລັດ; ເປັນເສນາທິການວິທີການດີທີ່ສຸດ, ມີຜົນປະໂຫຍທີ່ສຸດໃຫ້ປະເທດໃນການປະຕິບັດສັນຍາຄູ່ຮ່ວມມືຂ້າມປາຊີຟິກ (TPP); ເປີດກ້ວາງ ແລະ ເພີ່ມທະວີການພົວພັນລະຫວ່າງສະພາແຫ່ງຊາດ ຫວຽດນາມ ກັບລັດຖະສະພາປະເທດຕ່າງໆກ່ວາອີກ…ນີ້ແມ່ນຄຳຊີ້ນຳຂອງທ່ານນາງປະທານສະພາແຫ່ງຊາດ ຫງວຽນທິກີມເງິນ ທີ່ການພົບປະສັງສັນກັບບັນດາເອກອັກຄະລັດຖະທູດ, ຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດ ເນື່ອງໃນໂອກາດເຂົ້າຮ່ວມກອງປະຊຸມການທູດຄັ້ງທີ 29. ທ່ານນາງປະທານສະພາແຫ່ງຊາດ ຫງວຽນທິກີມເງິນ ຖືວ່າ: ດ້ວຍພາລະກຳແຖວໜ້າ, ສຳພັດໂດຍກົງກັບບັນດາການປ່ຽນແປງຂອງໂລກເປັນປະຈຳວັນ, ບັນດານັກການທູດຄວນເສີມຂະຫຍາຍບົດບາດຂອງອົງການຕາງໜ້າ ຫວຽດນາມ ປະຈຳຕ່າງປະເທດຢ່າງມີປະສິດທິຜົນ, ເປັນເຈົ້າການສະເໜີຕໍ່ພັກ, ລັດ ກ່ຽວກັບບັນດາມາດຕະການລະອຽດ ເພື່ອຜັນຂະຫຍາຍການເຊື່ອມໂຍງຢ່າງມີປະສິດທິຜົນ. ພ້ອມທັງ, ສືບຕໍ່ຕັ້ງໜ້າຂົນຂວາຍອຳນາດການປົກຄອງປະເທດປະຈຳຖິ່ນ ສ້າງທຸກເງື່ອນໄຂສະດວກໃຫ້ແກ່ພໍ່ແມ່ປະຊາຊົນຊາວ ຫວຽດນາມ ເຊື່ອມຕົວເຂົ້າຊີວິດການເປັນຢູ່ດ້ານການເມືອງ, ເສດຖະກິດສັງຄົມຂອງທ້ອງຖິ່ນ. ກ່ຽວກັບໜ້າທີ່ການທູດວັດທະນະທຳ, ຂະແໜງການທູດຕ້ອງໂຄສະນາ, ເສີມຂະຫຍາຍ, ຮັກສາສີສັນວັດທະນະທຳຂອງປະເທດຊາດ ຫວຽດນາມ. ເພາະສະນັ້ນ ທ່ານນາງປະທານສະພາແຫ່ງຊາດ ຫງວຽນທິກີມເງິນ ສະເໜີກະຊວງການຕ່າງປະເທດ ແລະ ບັນດາອົງການຕາງໜ້າ ຫວຽດນາມ ປະຈຳຕ່າງປະເທດ ຄວນເອົາໃຈໃສ່ສົມທົບກັບກະຊວງສຶກສາ ແລະ ບຳລຸງສ້າງ ແລະ ບັນດາອົງການທີ່ກ່ຽວຂ້ອງ ຈັດຕັ້ງຫ້ອງຮຽນສອນພາສາ ຫວຽດນາມ ໃຫ້ລູກຫລານຊາວ ຫວຽດນາມ ອາໄສຢູ່ຕ່າງປະເທດ. ນີ້ແມ່ນເລື່ອງຈຳເປັນທີ່ສຸດ ແລະ ມີຄວາມໝາຍໃນການຂົນຂວາຍພໍ່ແມ່ປະຊາຊົນຊາວ ຫວຽດນາມ ອາໄສຢູ່ຕ່າງປະເທດ ອ່ວາຍໜ້າເມືອຫາປະເທດຊາດ; ປະກອບສ່ວນປົກປັກຮັກສາ ແລະ ເສີມຂະຫຍາຍສີສັນວັດທະນະທຳຂອງຊາດ.