ເນື່ອງໃນໂອກາດວັນບຸນຄິດສະມາດປີ 2011, ຕອນເຊົ້າວັນທີ 23 ທັນວາ, ທ່ານນາງຮອງປະທານປະເທດຫວຽດນາມ ຫງວຽນທິຢວານ ໄດ້ລົງຢ້ຽມຢາມ ແລະ ມອບຂອງຂວັນໃຫ້ແກ່ບັນດາຜູ້ທີ່ ມີຍົດສັກຕ່ຳແໜ່ງໃນສາດສາໜາຄິດ ແລະ ຜູ້ຕາງ ໜ້າພໍ່ແມ່ພີນ້ອງຊາວຄິດຢູ່ເຂດ ຊາວຄິດ ກິມເຊີນ ແຂວງນິງບີງ. ທ່ານນາງຮອງປະທານປະເທດຫວຽດນາມ ຫງວຽນທິຢວານ ສະແດງຄວາມຫວັງວ່າ ໃນປີໜ້າ, ພໍ່ແມ່ພີນ້ອງຊາວຄິດໃນບໍລິເວນ ສືບຕໍ່ແກ້ໄຂຄວາມຫຍຸ້ງຍາກ, ເຂົ້າຮ່ວມການປະຕິບັດແຜນນະໂຍບາຍ, ນະໂຍບາຍຂອງພັກ, ກົດໝາຍຂອງລັດເປັນຢ່າງດີ, ຍູ້ແຮງບັນດາຂະບວນການແຂ່ງຂັນຮັກຊາດ, ກໍ່ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ປະກອບສ່ວນຫຼາຍກ່ວາອີກເຂົ້າໃນການພັດທະນາຂອງແຂວງນິງບີງກໍ່ຄືຂອງປະເທດຊາດ. ທ່ານນາງຮອງປະທານປະເທດຫວຽດນາມ ຫງວຽນທິຢວານ ອວຍພອນຊາວຄິດທຸກໆຄົນໃນແຂວງຈົ່ງມີສຸຂະພາບເຂັ້ມແຂງ ແລະ ພ້ອມກັນຕ້ອນຮັບວັນບຸນຄິດສະມາດຢ່າງເບີກບານມ່ວນຊື່ນ. ຕາງໜ້າໃຫ້ພໍ່ແມ່ພີນ້ອງຊາວ ຄິດຢູ່ເຂດຊາວຄິດ ກິມເຊີນ. ຫົວໜ້າເຂດຊາວຄິດ ຫງວຽນແມ້ງດາດ ເວົ້າວ່າ :
“ ໃນບັນຍາກາດທີ່ທຸກໆຄົນມີຄວາມເບີກບານມ່ວນຊື່ນ ກະກຽມຕ້ອນຮັບວັນບຸນຄິດສະມາດນັ້ນ, ເຂດຊາວຄິດມີຄວາມເປັນກຽດໄດ້ຕ້ອນຮັບຮອງປະທານປະເທດຫວຽດນາມ ມາຢາມ, ທຸກໆຄົນຍິ່ງດີໃຈຫຼາຍຍ້ອນເຫັນວ່າ ພັກ ແລະ ລັດ ໄດ້ມີຄວາມເອົາໃຈໃສ່ຕໍ່ຊາວຄິດ. ພວກຂ້າພະເຈົ້າມີຄວາມຕື້ນຕັນໃຈ ແລະຂໍຂອບໃຈຕໍ່ພັກ ແລະ ລັດທີ່ໄດ້ໃຫ້ຄວາມເອົາໃຈໃສ່ຕໍ່ຊີວິດທຸກດ້ານຂອງປະຊາຊົນ, ພວກຂ້າພະເຈົ້າຈະມານະພະຍາຍາມປະຕິບັດໃຫ້ເປັນຢ່າງດີ ”
ເນື່ອງໃນໂອກາດວັນບຸນຄິດສະມາດປີ 2011, ໃນຊຸມມື້ທີ່ຜ່ານມາ, ການນຳແຂວງ ດັກລັກ, ກອນຕຸມ, ເງະອານ, ນະຄອນ ເກີນເທີ, ວິ້ງລອງ, ຄະນະຊີ້ນຳເຂດທາງທິດຕາເວັນຕົກພາກໄຕ້ແຕ່ງຕັ້ງຄະນະຜູ້ແທນລົງໄປຢ້ຽມຢາມ ແລະ ມອບຂອງຂວັນໃຫ້ແກ່ບັນດາສຳນັກສັງຄະລາດ, ໂຮງຮຽນຊາວຄິດ ແລະ ພໍ່ແມ່ຊາວຄິດ ຢູ່ເຂດຊາວຄິດຕ່າງໆ. ຄຸນພໍ່ ຮ່າຢີເຄີມ ຫົວໜ້າເຂດຊາວຄິດ ແທງເຕີມ ໃຫ້ຮູ້ວ່າ :
“ ນີ້ແມ່ນຄວາມເປັນກຽດສຳລັບເຂດຊາວຄິດພວກຂ້າພະເຈົ້າເວົ້າສະເພາະ ແລະ ພໍ່ແມ່ພີນ້ອງຊາວຄິດທຸກໆຄົນເວົ້າລວມ, ເພາະວ່າໃນແຕ່ລະປີ ອົງຄະນະພັກ ແລະ ຄະນະກຳມະການປະຊາຊົນແຂວງ ປີໃດກໍ່ມີຄຳອວຍພອນທີ່ຈົບງາມທີ່ສຸດ ເນື່ອງໃນໂອກາດວັນບຸນຄິດສະມາດ ພ້ອມທັງລົງຢ້ຽມຢາມເຂດຊາວຄິດ ແລະມອບຂອງຂວັນອີກດ້ວຍ. ໜ້າທີ່ຂອງ ພໍ່ແມ່ພີນ້ອງຊາວຄິດແມ່ນຕ້ອງຈົ່ງຮັກພັກດີກັບພະເຈົ້າ ກໍ່ຄືຈົ່ງຮັກພັກດີກັບປະເທດຊາດ, ຍາມໃດກໍ່ມີຈິດໃຈຮັກແພງມະນຸດ, ສາມັກຄີເພື່ອກໍ່ສ້າງສັງຄົມໃຫ້ນັບມື້ນັບດີງາມກ່ວາເກົ່າ”