(vovworld) – ຕອນເຊົ້າວັນທີ 19/08, ຢູ່ສຳນັກງານປະທານປະເທດ, ທ່ານນາງຮອງປະທານປະເທດຫວຽດນາມ ຫງວຽນທິຢວານ ໄດ້ພົບປະກັບຄະນະຜູ້ແທນນັກຮຽນຊາວເຜົ່າສ່ວນຫນ້ອຍດີເດັ່ນຂອງແຂວງລາວກາຍ ເນື່ອງໃນໂອກາດມາຢ້ຽມນະຄອນຫຼວງ ແລະ ເຂົ້າຄຳນັບສຸສານປະທານໂຮ່ຈິມິນ. ເຂົ້າຮ່ວມການພົບປະມີນັກຮຽນ 20 ຄົນເຊິ່ງເປັນນັກຮຽນຊົນເຜົ່າດີເດັ່ນຂອງ 9 ແຂວງ, ນະຄອນ ແລະ ສູນຊ່ວຍເຫຼືອສງຄົມຂອງແຂວງລາວກາຍ. ທີ່ການຕ້ອນຮັບ, ທ່ານນາງຮອງປະທານປະເທດ ຫງວຽນທິຢວານ ໄດ້ເນັ້ນໜັກວ່າ, ໃນໄລຍະຜ່ານມາ, ພັກ, ລັດມີບັນດານະໂຍບາຍລົງທຶນ, ສ້າງເງື່ອນໄຂສະດວກເພື່ອໃຫ້ນັກຮຽນຊາວເຜົ່າໄດ້ຮໍ່າຮຽນ ແລະ ຝຶກຝົນຫຼໍ່ຫຼອມ. ຕໍ່ໜ້າຄວາມຕ້ອງການພັດທະນາຂອງປະເທດຊາດ, ທ່ານນາງຮອບປະທານປະເທດ ໄດ້ຕັກເຕືອນພວກນ້ອງນັກຮຽນ ສືບຕໍ່ມານະພະຍາຍາມສູ້ຊົນ, ຝຶກຝົນຫຼໍ່ຫຼອມດ້ານຄຸນສົມບັດ, ຮໍ່າຮຽນເປັນຢ່າງດີ ເພື່ອກາຍເປັນລູກຄຳຮູ້, ນັກຮຽນເກັ່ງ, ສົມເປັນຫຼານຄຳຮູ້ຂອງລຸ່ງໂຮ່.