ທ່ານນາງຮອງປະທານປະເທດດັ້ງທິຫງອກທິ້ງຢື້ຢາມຖາມຂ່າວປະຊາຊົນຖືກຜົນສະທ້ອນຈາກຝົນຕົກນ້ຳແກ່ງ
.jpg)
(ທ່ານນາງຮອງປະທານປະເທດ ດັ້ງທິຫງອກທິ້ງ
ປຸກລະດົມກຳລັງໃຈ ແລະ ມອບເງິນໜູນຊ່ວຍໃຫ້ປະຊາຊົນແຂວງ ແຄ໋ງຮ່ວາ)
(vovworld) - ຕອນບ່າຍວັນທີ 21/12, ທ່ານນາງຮອງປະທານປະເທດ ດັ້ງທິຫງອກທິ້ງ ໄດ້ໄປຢື້ຢາມຖາມຂ່າວ, ປຸກລະດົມກຳລັງໃຈ ແລະ ມອບເງິນໜູນຊ່ວຍໃຫ້ປະຊາຊົນແຂວງ ແຄ໋ງຮ່ວາ ທີ່ຖືກເສຍຫາຍຍ້ອນຝົນຕົກ, ນ້ຳແກ່ງໃນໄລຍະຜ່ານມາ. ເມື່ອເຮັດວຽກກັບການນຳແຂວງ ແຄ໋ງຮ່ວາ, ທ່ານນາງຮອງປະທານປະເທດດັ້ງທິຫງອກທິ້ງ ໄດ້ຍ້ອງຍໍແຂວງ ເປັນເຈົ້າການໃນການຮັບມືກັບສະພາບຝົນຕົກ, ນ້ຳແກ່ງ ແລະ ໜູນຊ່ວຍປະຊາຊົນແກ້ໄຂຜົນຮ້າຍຢ້ອນຫຼັງຍ້ອນຝົນຕົກ, ນ້ຳແກ່ງ; ທ່ານນາງກໍ່ໃສ່ໃຈທ້ອງຖິ່ນ ຕ້ອງສຸມໃສ່ໜູນຊ່ວຍປະຊາຊົນຟື້ນຟູການຜະລິດ, ຮັບປະກັນຊີວິດການເປັນຢູ່ເປັນເປັນປົກກະຕິໂດຍໄວ.
ແລະກໍໃນວັນດຽວກັນ, ທ່ານນາງຮອງປະທານປະເທດດັ້ງທິຫງອກທິ້ງ ໄດ້ລົງຢ້ຽມຢາມ ແລະ ມອບຂອງຂວັນ 100 ພູດ ໃຫ້ປະຊາຊົນເຂດຖືກນ້ຳຖ້ວມຢູ່ ຕາແສງ ອານຮຽບ, ເມືອງ ຕຸຍອານ ແລະ ເຮັດວຽກກັບການນຳແຂວງ ຟຸ໋ອຽນ. ເມື່ອເຮັດວຽກກັບການນຳແຂວງ ຟຸ໋ອຽນ, ທ່ານນາງຮອງປະທານປະເທດສະເໜີໃຫ້ແຂວງຟຸ໋ອຽນ ຕ້ອງສຸມໃສ່ເບິ່ງແຍງດູແລຊີວິດທາງດ້ານຈິດໃຈ ແລະ ວັດຖຸໃຫ້ປະຊາຊົນ; ສ້າງເງື່ອນໄຂເພື່ອໜູນຊ່ວຍປະຊາຊົນທຳການຜະລິດຄືນໃໝ່ພາຍຫຼັງຖືກນ້ຳແກ່ງໂດຍໄວ.