ທ່ານນາງຮອງປະທານປະເທດດັ້ງທິຫງອກທີ້ງເຂົ້າຮ່ວມງານບຸນອອກໄປຫາປາໄກຝັ່ງປີ 2017
ທ່ານນາງຮອງປະທານປະເທດ ດັ້ງທິຫງອກທີ້ງ, ກ່າວຄຳເຫັນທີ່ງານບຸນ
(ພາບ: TTXVN)
(vovworld) - ຕອນເຊົ້າວັນທີ 31/3, ຢູ່ເມືອງເກາະກາດຫາຍ ( ນະຄອນຫາຍຟອງ ), ເປັນຄັ້ງທຳອິດ ທີ່ໄດ້ດຳເນີນງານບຸນອອກໄປຫາປາໄກຝັ່ງ, ປົກປັກຮັກສາອະທິປະໄຕທະເລ, ໝູ່ເກາະຂອງຫວຽດນາມ ດ້ວຍການເຂົ້າຮ່ວມຂອງກ່ຳປັ່ນຫາປາຂອງຊາວປະມົງຫຼາຍແຂວງເຂດແຄມທະເລ ເກືອບ 100 ລຳ. ກ່າວຄຳເຫັນທີ່ພິທີ, ທ່ານນາງຮອງປະທານປະເທດ ດັ້ງທິຫງອກທີ້ງ ໄດ້ເນັ້ນໜັກເຖິງ ບັນດາກຳລັງ ບົ່ມຊ້ອນຢ່າງໃຫຍ່ຫຼວງກ່ຽວກັບທະເລ, ໝູ່ເກາະຂອງຫວຽດນາມ ພ້ອມທັງຍ້ອງຍໍບັນດາກຳລັງຢູ່ທະເລຄື ຊາວປະມົງ, ກຳລັງກວດກາການປະມົງ, ຕຳຫຼວດທະເລ, ກຳລັງປະກອບອາວຸດ ຍາມໃດກໍ່ໄດ້ພະຍາຍາມແກ້ໄຂຄວາມຫຍຸ້ງຍາກຢູ່ບ່ອນທີ່ເກີດພາຍຸລົມແຮງ, ຮັບປະກັນອະທິປະໄຕແຫ່ງຊາດໄວ້ຢ່າງໝັ້ນຄົງ.
“ແຕ່ລະຈຸດພິກັດຢູ່ທະເລທີ່ຊາວປະມົງມີໜ້າ, ແຕ່ລະເຂດທະເລທີ່ຊາວປະມົງໄປຜ່ານ ລ້ວນແຕ່ມີຄວາມໝາຍຢ່າງໃຫຍ່ຫຼວງໃນການກຳນົດອະທິປະໄຕແຫ່ງຊາດທີ່ສັກກະລະບູຊາຂອງປະເທດຊາດ. ງານບຸນໃນມື້ນີ້ ເຖິງວ່າໄດ້ຈັດຕັ້ງເປັນຄັ້ງທຳອິດກໍ່ຕາມ ແຕ່ຂ້າພະເຈົ້າກໍ່ເຊື່ອໝັ້ນວ່າ ດ້ວຍຄວາມໝາຍ ແລະ ບັນດາໝາກຜົນທີ່ດີງາມຈາກງານບຸນນີ້, ແນ່ນອນວ່າ ບັນດາທ້ອງຖິ່ນ, ຊາວປະມົງເຂດແຄມທະເລ ຈະມີກາລະໂອກາດທີ່ດີ ເພື່ອເພີ່ມທະວີນ້ຳໃຈສາມັກຄີ, ແບ່ງປັນ, ຮ່ຳຮຽນເອົາຫຼາຍບົດຮຽນລ້ຳຄ່າເຊິ່ງກັນ ແລະ ກັນ ”
ທີ່ງານບຸນ, ທ່ານນາງຮອງປະທານປະເທດ ດັ້ງທິຫງອກທີ້ງ ກໍ່ໄດ້ມອບຂອງຂວັນໃຫ້ບັນດາຄອບຄົວຊາວປະມົງ, ສົ່ງເສີມການອອກໄປຫາປາໄກຝັ່ງ ເພື່ອສ້າງຄວາມຮັ່ງມີ.