ທ່ານນາງຮອງປະທານປະເທດດັ້ງທິຫງອກທິ້ງເຮັດວຽກຢູ່ຫາຍເຢືອງ
ພິທີຕັດແຖບຜ້າກໍ່ສ້າງສຳເລັດກິດຈະກຳ ກືວເຟີມລຽນຮວາ
(ພາບ: baotainguyenmoitruong.vn)
(vovworld) - ຕອນເຊົ້າວັນທີ 12/02, ທ່ານນາງຮອງປະທານປະເທດ ດັ້ງທິຫງອກທິ້ງ ໄດ້ເຂົ້າຮ່ວມພິທີໄຂງານບຸນລະດູບານໃໝ່ ກົນເຊີນ - ກ໋ຽບບາກ 2017 ແລະ ຕັດແຖບຜ້າກໍ່ສ້າງສຳເລັດກິດຈະກຳ ກືວເຟີມລຽນຮວາ, ໃນເຂດປູຊະນີຍະສະຖານ ກົນເຊີນ - ກ໋ຽບບາກ, ເມືອງ ຈິ໋ລິງ, ແຂວງ ຫາຍເຢືອງ.
ທີ່ເຂດປູຊະນີຍະສະຖານພິເສດແຫ່ງຊາດ ກົນເຊີນ - ກ໋ຽບບາກ, ທ່ານນາງຮອງປະທານປະເທດ ດັ້ງທິຫງອກທິ້ງ ໄດ້ມີການເຮັດວຽກກັບການນຳຫຼັກແຫຼ່ງແຂວງຫາຍເຢືອງ. ທີ່ການເຮັດວຽກ, ທ່ານນາງຮອງປະທານປະເທດ ດັ້ງທິຫງອກທິ້ງ ໄດ້ຍ້ອງຍໍບັນດາຜົນງານກ່ຽວກັບການພັດທະນາເສດຖະກິດ, ສັງຄົມ, ເບິ່ງແຍງດູແລຊີວິດການເປັນຢູ່ຂອງປະຊາຊົນໃນໄລຍະຜ່ານມາ. ທ່ານນາງຮອງປະທານປະເທດ ດັ້ງທິຫງອກທິ້ງ ໃສ່ໃຈແຂວງຫາຍເຢືອງ ຄວນສຸມໃສ່ທຸກແຫຼ່ງກຳລັງເພື່ອບັນລຸໄດ້ຄາດໝາຍພັດທະນາເສດຖະກິດສັງຄົມໃນປີ 2017. ທາງແຂວງຕ້ອງເອົາໃຈໃສ່ເຖິງການຍົກສູງຊີວິດການເປັນຢູ່ ໂດຍສະເພາະທາງດ້ານຈິດໃຈຂອງປະຊາຊົນໃຫ້ຫຼາຍກວ່າອີກ ແລະ ແຂວງຫາຍເຢືອງຕ້ອງປະຕິບັດວຽກງານຄຸ້ມຄອງບັນດາງານບຸນກວ່າ, ຮັບປະກັນຄວາມເປັນລະບຽບຮຽບຮ້ອຍໃຫ້ປະຊາຊົນ ແລະ ນັກທ່ອງທ່ຽວເຂົ້າຮ່ວມບັນດາງານບຸນ.