ທ່ານນາງຮອງປະທານປະເທດຫງວຽນທິຢວານຕ້ອນຮັບປະທານກຸ່ມສະມາຊິກລັດຖະສະພາມິດຕະພາບຝລັ່ງ-ຫວຽດນາມ
ທ່ານນາງຮອງປະທານປະເທດຫງວຽນທິຢວານຕ້ອນຮັບ
ປະທານກຸ່ມສະມາຊິກລັດຖະສະພາມິດຕະພາບຝລັ່ງ-ຫວຽດນາມ
(ພາບ: TTXVN)
(vovworld) – ຕອນບ່າຍວັນທີ 23/02, ຢູ່ສຳນັກງານປະທານປະເທດ, ທ່ານນາງຮອງປະທານປະເທດ ຫງວຽນທິຢວານ ໄດ້ໃຫ້ການຕ້ອນຮັບຄະນະຜູ້ແທນກຸ່ມສະມາຊິກລັດຖະສະພາມິດຕະພາບຝລັ່ງ - ຫວຽດນາມ ໂດຍທ່ານນາງ Catherine Deroche, ປະທານກຸ່ມສະມາຊິກລັດຖະສະພາມິດຕະພາບຝລັ່ງ - ຫວຽດນາມ ນຳໜ້າ. ທ່ານນາງຮອງປະທານປະເທດຖືວ່າ, ເລື່ອງລັດຖະບານຝລັ່ງ ພວມຜັນຂະຫຍາຍບັນດາກົນໄກການຮ່ວມມື 2 ຝ່າຍ, ຊຸກຍູ້ການພົວພັນດ້ານເສດຖະກິດ, ວັດທະນະທຳ, ສາທາລະນະສຸກ, ສິ່ງແວດລ້ອມກັບຫວຽດນາມ; ຖືວ່າ ນີ້ແມ່ນການຢັ້ງຢືນເລື່ອງເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ ແລະ ເປີດກວ້າງແງ່ຫວັງໃນການຮ່ວມມືໃໝ່. ທ່ານນາງຮອງປະທານປະເທດ ຫງວຽນທິຢວານ ຖືວ່າ, ການມາຢ້ຽມຢາມ ແລະ ເຮັດວຽກຄັ້ງນີ້ຂອງກຸ່ມສະມາຊິກລັດຖະສະພາມິດຕະພາບຝລັ່ງ ຢູ່ ຫວຽດນາມ ຈະປະກອບສ່ວນເພີ່ມທະວີການຮ່ວມມືລະຫວ່າງທ້ອງຖິ່ນຕ່າງໆຂອງ 2 ປະເທດໃນໄລຍະຈະມາເຖິງ. ທ່ານນາງຮອງປະທານປະເທດ ເນັ້ນໜັກເຖິງເລື່ອງສະພາສູງຝລັ່ງ ໄດ້ໃຫ້ສັດຕະຍາບັນສັນຍາຄູ່ຮ່ວມມື ແລະ ຮ່ວມມືຮອບດ້ານຫວຽດນາມ - ສະຫະພາບເອີລົບ (PCA) ແລະ ຖືວ່າ, ຖ້າຫາກສະພາແຫ່ງຊາດຝລັ່ງ ພິຈາລະຈາໃຫ້ສັດຕະຍາບັນ PCA ໂດຍໄວນັ້ນ, ການພົວພັນຮ່ວມມືລະຫວ່າງຫວຽດນາມ ແລະ ສະຫະພາບເອີລົບ (EU) ເວົ້າລວກໍຄືລະຫວ່າງຫວຽດນາມ ແລະ ຝລັ່ງ ເວົ້າສະເພາະ ຈະໄດ້ຮັບການຊູກຍູ້ຢ່າງແຮງໃນໄລຍະຈະມາເຖິງ. ສ່ວນທ່ານນາງ Catherine Deroche ໃຫ້ຮູ້ວ່າ. ສະພາແຫ່ງຊາດຝລັ່ງ ມີແຜນການພິຈາລະນາໃຫ້ສັດຕະຍາບັນ PCA ໃນຕົ້ນປີ 2016 ນີ້ໂດຍໄວ. ກ່ຽວກັບສະພາບການຢູ່ທະເລຕາເວັນອອກ, ທ່ານນາງ
Catherine Deroche ຢືນຢັນວ່າ, ຝລັ່ງ ສະໜັບສະໜູນການແກ້ໄຂການຂັດແຍ້ງກັນໂດຍສັນຕິວິທີ, ປະຕິບັດກົດໝາຍສາກົນ; ເນັ້ນໜັກເລື່ອງຮັກສາສະພາບແວດລ້ອມສັນຕິພາບ, ສະຖຽນລະພາບຢູ່ທະເລຕາເວັນອອກ ແມ່ນປັດໃຈສຳຄັນເພື່ອຮັບປະກັນຄວາມສະຫງົບປອດໄພ, ຄວາມເສລີໃນການເດີນທະເລ, ການບິນ ແລະ ການຄ້າສາກົນ.
ກ່ອນໜ້ານັ້ນ, ຢູ່ສຳນັກງານສະພາແຫ່ງຊາດ, ທ່ານ ຟຸ່ງກ໋ວກຫຽນ, ຫົວໜ້າກຳມາທິການການເງິນ - ງົບປະມານຂອງສະພາແຫ່ງຊາດຫວຽດນາມ, ປະທານກຸ່ມສະມາຊິກລັດຖະສະພາມິດຕະພາບຫວຽດນາມ - ຝລັ່ງ ກໍໄດ້ໃຫ້ການຕ້ອນຮັບທ່ານນາງ Catherine Deroche. ທີ່ການຕ້ອນຮັບ, ທ່ານ ຟຸ່ງກ໋ວກຫຽນ ສະເໜີໃຫ້ 2 ຝ່າຍສືບຕໍ່ເພີ່ມທະວີການເຄື່ອນໄຫວພົບປະແລກປ່ຽນ, ແລກປ່ຽນຄະນະຜູ້ແທນ, ແບ່ງປັນບົດຮຽນໃນການສ້າງກົດໝາຍ…