ທ່ານນາງຮອງປະທານສະພາແຫ່ງຊາດຫວຽດນາມຫງວຽນທິກີມເງິນຢ້ຽມຢາມແລະເຮັດວຽກຢູ່ອາເມລິກາ
ບັນດາຜູ້ແທນຖ່າຍຮູບທີ່ລະນຶກ
|
(vovworld) – ໃນຂອບເຂດໂຄງການການນຳຄຸ້ມຄອງຂັ້ນສູງ ຫວຽດນາມ ຄັ້ງທີ 5 ຢູ່ມະຫາວິທະຍາໄລ Harvard, ວັນທີ 13/4, ຄະນະພະນັກງານຄຸ້ມຄອງຂັ້ນສູງ ຫວຽດນາມ ໂດຍທ່ານນາງຮອງປະທານສະພາແຫ່ງຊາດ ຫງວຽນທິກີມເງິນ ນຳໜ້າ ເລີ່ມຕົ້ນສັບປະດາແລກປ່ຽນນະໂຍບາຍກັບບັນດາສາດສະດາຈານ, ນັກຊ່ຽວຊານ, ນັກຮຽນຮູ້ມະຫາວິທະຍາໄລ Harvard ແລະ ສາກົນ.
ທີ່ການເຮັດວຽກ, ບັນດາສາດສະດາຈານຂອງມະຫາວິທະຍາໄລ Harvard, ນັກຊ່ຽວຊານດ້ານເສດຖະກິດ, ນັກທະນາຍຄວາມ, ພ້ອມກັບນັກຮຽນຮູ້ອັນດັບໜຶ່ງຂອງໂລກ ໄດ້ສຸມໃສ່ແລກປ່ຽນ, ໄຈ້ແຍກສາຍເຫດ ແລະ ຄວາມສ່ຽງສຳລັບວິວັດທະນາການຟື້ນຟູຂອງພື້ນຖານເສດຖະກິດສາກົນ ແລະ ພາກພື້ນ; ບັນດາຜົນງານ ແລະ ສິ່ງທ້າທາຍໃນການພັດທະນາໄລຍະສັ້ນ ແລະ ໄລຍະຍາວຂອງ ຫວຽດນາມ, ພ້ອມທັງ ສະເໜີບັນດາຂໍ້ສະເໜີແນະໃຫ້ແກ່ ຫວຽດນາມໃນການພັດທະນາເສດຖະກິດ - ສັງຄົມ ແລະ ປະຕິຮູບດ້ານກົດໝາຍ ແລະ ຕຸລາການ. ບັນດາຜູ້ແທນ ຫວຽດນາມ ໄດ້ແລກປ່ຽນເພື່ອເຮັດແຈ້ງໃຫ້ແຜນນະໂຍບາຍສະເໜີຕົ້ນສະເໜີປາຍຂອງ ຫວຽດນາມ ໃນການຊຸກຍູ້ການເຕີບໂຕແບບຍືນຍົງ ແລະ ຮອບດ້ານ, ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນ ພ້ອມທັງ ແລກປ່ຽນຢ່າງເລິກເຊິ່ງ, ປືກສາຫາລືກ່ຽວກັບບັນດາການຫັນປ່ຽນໃໝ່, ຕັ້ງໜ້າໃນພື້ນຖານເສດຖະກິດ ຫວຽດນາມ ກໍ່ຄືການປະຕິບັດບັນດາບາດກ້າວບຸກທະລຸຍຸດທະສາດ, ໃນນັ້ນມີການປະຕິຮູບລະບອບ, ປັບປຸງນະໂຍບາຍກົດໝາຍ ເພື່ອຮັບມືກັບບັນດາສິ່ງທ້າທາຍດ້ານເສດຖະກິດ - ສັງຄົມໄລຍະກາງ ແລະ ໄລຍະຍາວຢ່າງມີປະສິດທະຜົນກວ່າອີກ.