ທ່ານນາຍົກລັດຖະມົນຕີ Nguyen Tan Dung
ຕ້ອນຮັບພົນເອກ Nieng Phat, ລັດຖະມົນຕີ
ກະຊວງປ້ອງກັນປະເທດ ກຳປູເຈຍ
ພາບ:baodientuchinhphu.vn
|
(vovworld) - ຕອນເຊົ້າວັນທີ 22//8 ຢູ່ ສຳນັກງານລັດຖະບານ, ທ່ານນາຍົກລັດຖະມົນຕີ Nguyen Tan Dung ໄດ້ໃຫ້ການຕ້ອນຮັບພົນເອກ Nieng Phat, ລັດຖະມົນຕີກະຊວງປ້ອງກັນປະເທດ ກຳປູເຈຍ ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານນາຍົກລັດຖະມົນຕີ Nguyen Tan Dung ໄດ້ເນັ້ນຫນັກວ່າ: ການພົວພັນລະຫວ່າງ ຫວຽດນາມ ແລະ ກຳປູເຈຍ ແມ່ນການພົວພັນບ້ານໃກ້ເຮືອນຄຽງ, ມິດຕະພາບ, ທີ່ເປັນມູນເຊື້ອອັນດີງາມ ແລະ ພວມພັດທະນາຢ່າງແຂງແຮງໃນບັນດາຂົງເຂດ. ທ່ານໄດ້ຕີລາຄາສູງການຢ້ຽມຢາມ ແລະ ເຮັດວຽກຂອງພົນເອກ Nieng Phat ຈະປະກອບສ່ວນຢ່າງແທດຈິງ, ຊຸກຍູ້ການຮ່ວມມືລະຫວ່າງ ສອງປະເທດ ໃນບັນດາຂົງເຂດເວົ້າລວມ ແລະ ກອງທັບສອງປະເທດເວົ້າສະເພາະ. ເມື່ອຕີລາຄາສູງການຮ່ວມມືຢ່າງແຫນ້ນແຟ້ນລະຫວ່າງກອງທັບສອງປະເທດໃນໄລຍະຜ່ານມາ, ທ່ານນາຍົກລັດຖະມົນຕີ Nguyen Tan Dung ໄດ້ຢືນຢັນວ່າ: ລັດຖະບານ ຫວຽດນາມ ຍາມໃດກໍສະຫນັບສະຫນູນບັນດາການເຄື່ອນໄຫວຮ່ວມມືລະຫວ່າງກອງທັບສອງປະເທດຢູ່ຂັ້ນຕ່າງໆ, ປາດຖະຫນາວ່າສອງຝ່າຍຈະຮ່ວມມືກັນຢ່າງແຫນ້ນແຟ້ນໃນການບຳລຸງສ້າງພະນັກງານ, ການລາດຕະເວັນຮ່ວມຢູ່ທະເລ ແລະ ຮ່ວມມືດ້ານກອງທັບເຮືອ, ສົມທົບຫລັກໝັ້ນລະຫວ່າງກອງທັບສອງປະເທດໃນບັນດາເວທີປາໄສພາກພື້ນ ເປັນຕົ້ນແມ່ນ ADMM+ ເພ່ືອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາໃນພາກພື້ນ ແລະ ໃນໂລກ./.