ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳເຫັນທີ່ກອງປະຊຸມ

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ໃຫ້ຮູ້ວ່າ, ພາຍຫຼັງ ການປະຕິບັດແຜນນະໂຍບາຍປ່ຽນແປງໃໝ່, ເປີດປະຕູ ແລະ ເຊື່ອມໂຍງມາກ່ວາ 35 ປີ ຫວຽດນາມ ບັນລຸໄດ້ຜົນງານສຳຄັນຫຼາຍຢ່າງ ມີຄວາມໝາຍປະຫວັດສາດ.

ທ່ານນາຍົກລັດຖະມົນຕີ ຟ້າມມິງຈິງ ປາດຖະໜາກວ່າ ອົງການຄຸ້ມຄອງ, ສະມາຊິກຕະຫຼາດ ແລະ ປະຊາຄົມວິສາຫະກິດ, ນັກລົງທຶນ ຜ່ານກອງປະຊຸມນີ້, ດ້ວຍຈິດໃຈວາງອອກແມ່ນ: ຕະຫຼາດປອດໄສ, ປົກປ້ອງສິດ ແລະ ຜົນປະໂຫຍດອັນຊອບທຳ ຂອງ ປະຊາຄົມນັກລົງທຶນ, ວິສາຫະກິດ, ນຳຕະຫຼາດເຂົ້າສູ່ວົງໂຄຈອນພັດທະນາຢ່າງມີປະສິດທິຜົນ ແລະ ຍືນຍົງ.

ທ່ານ ຟ້າມມິງຈິງ ຖືວ່າ, ຫວຽດນາມ ມີພື້ນຖານໝັ້ນແກ່ນ, ມີຄວາມເຊື່ອໝັ້ນຕໍ່ການພັດທະນາຂອງຕະຫຼາດ, ໂດຍມີຈຸດເລີ່ມຕົ້ນມາຈາກສະພາບການຕົວຈິງ, ແງ່ຫວັງພັດທະນາຂອງພື້ນຖານເສດຖະກິດ ຫວຽດນາມ. ທ່ານກໍ່ໃຫ້ຮູ້ວ່າ ພາຍຫຼັງກອງປະຊຸມນີ້, ລັດຖະບານຈະປະກາດໃຊ້ມະຕິວ່າດ້ວຍໜ້າທີ່ ແລະ ມາດຕະການ ເພື່ອຮັກສາໃຫ້ເປັນປົກກະຕິ ແລະ ພັດທະນາຕະຫຼາດທຶນຮອນປອດໄພ, ໂປ່ງໃສ, ມີປະສິດທິຜົນ, ປະກອບສ່ວນຮັກສາເສດຖະກິດມະຫາພາກໃຫ້ມີສະຖຽນລະພາບ, ຮັບປະກັນຄວາມດຸ່ນດ່ຽງໃຫຍ່ຂອງພື້ນຖານເສດຖະກິດ.