ທ່ານນາຍົກລັດຖະມົນຕີ ຟ້າມມິງຈິງ ເຂົ້າຮ່ວມກອງປະຊຸມສຸດຍອດ ອາຊຽນ - ອາເມລິກາ (ພາບ: VOV)

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫວຽດນາມ ເນັ້ນໜັກວ່າການຮ່ວມມືດ້ານເສດຖະກິດ - ການຄ້າ - ການລົງທຶນຈະແມ່ນຈຸດສຸມ ແລະ ກຳລັງໜູນ. ຕ້ອງໄດ້ຮັບການຍູ້ແຮງຕາມທິດມີປະສິດທິຜົນ, ກົມກຽວ ແລະ ຍືນຍົງ, ເປີດປະຕູຕະຫຼາດໃໝ່ໃຫ້ແກ່ສິນຄ້າສົ່ງອອກ ແລະ ພ້ອມແລ້ວທີ່ຈະຕ້ອນຮັບບັນດານັກລົງທຶນອາເມລິກາ ມາລົງທຶນ. ພ້ອມທັງ, ຕ້ອງຍູ້ແຮງການຮ່ວມມືຮັບມືກັບການປ່ຽນແປງຂອງດິນຟ້າອາກາດ, ຍົກສູງຄວາມສາມາດໃນການຮັບມືກັບໄພທຳມະຊາດ, ໄພພິບັດ. ຫວຽດນາມ ສະແດງຄວາມຊົມເຊີຍຕໍ່ອາເມລິກາ ທີ່ຈະສືບຕໍ່ໜູນຊ່ວຍພັດທະນາເຂດອະນຸພາກພື້ນ ແມ່ນ້ຳຂອງ ຜ່ານຂອບເຂດຄູ່ຮ່ວມມືແມ່ນ້ຳຂອງ - ອາເມລິກາ, ໃນນັ້ນມີການເພີ່ມທະວີການຮັບມືຕ້ານທານກັບການປ່ຽນແປງຂອງດິນຟ້າອາກາດ ຢູ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ.

ໄປຄຽງຄູ່ກັນນັ້ນ, ຫວຽດນາມ ໄດ້ສະເໜີຕ້ອງສຸມແຫຼ່ງກຳລັງເພື່ອນຳການ ຮ່ວມມືດ້ານວິທະຍາສາດເຕັກໂນໂລຢີ ແລະ ນະວັດຕະກຳ ກາຍເປັນເສົາຄ້ຳໃໝ່ໃນການພົວພັນລະຫວ່າງອາເມລິກາ ແລະ ອາຊຽນ ເປັນຕົ້ນແມ່ນໃນຂົງເຂດເຄິ່ງຊັກນຳໄຟຟ້າ ແລະ ປັນຍາປະດິດ (AI).