(VOVWORLD) - ທ່ານນາຍົກລັດຖະມົນຕີ ຟ້າມມິນຈິງ ຢືນຢັນວ່າ ຫວຽດນາມ ຈະສືບຕໍ່ພ້ອມກັບບັນດາປະເທດ ອາຊຽນ ສະໜັບສະໜູນ ລາວ ຈັດກອງປະຊຸມຂັ້ນສູງ ອາຊຽນ 44-45 ແລະ ບັນດາກອງປະຊຸມທີ່ກ່ຽວຂ້ອງສຳເລັດ.
 (ພາບ: TTXVN) |
ຕອນບ່າຍວັນທີ 13 ກັນຍາ, ຢູສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ໄດ້ໃຫ້ການຕ້ອນຮັບຄະນະບັນດາປະທານສະພາທີ່ປຶກສາດຳເນີນທຸລະກິດ ອາຊຽນ (ASEAN BAC) ປະເທດຕ່າງໆ ໂດຍທ່ານ ອຸເດດ ສຸພານຸວົງ, ປະທານ ປີ 2024 ທັງແມ່ນປະທານຫ້ອງການການຄ້າ ແລະ ອຸດສາຫະກຳ ລາວ ນຳໜ້າ ເນື່ອງໃນໂອກາດມາ ຮ່າໂນ້ຍ ເຂົ້າຮ່ວມສະໄໝປະຊຸມຄັ້ງທີ 101 ຂອງ ASEAN BAC .
ທ່ານປະທານ ASEAN BAC ປະເທດຕ່າງໆ ໄດ້ຊົມເຊີຍບັນດາຜົນງານທີ່ ຫວຽດນາມ ບັນລຸໄດ້ ໃນການພັດທະນາເສດຖະກິດ ສັງຄົມໃນຊຸມປິຜ່ານມາ; ຕີລາຄາສູງບົດບາດຂອງ ຫວຽດນາມ ໃນການປະກອບສ່ວນເຂົ້າໃນການສ້າງ ອາຊຽນ ເຂັ້ມແຂງ, ສະໜິດຕິດພັນ; ແມ່ນສະມາຊິກທີ່ມີຄວາມຮັບຜິດຊອບໃນການຮ່ວມມືພາກພື້ນແມ່ຂອງເປີດກ້ວາງ.
ສ່ວນທ່ານນາຍົກລັດຖະມົນຕີ ຟ້າມມິນຈິງ ຢືນຢັນວ່າ ຫວຽດນາມ ຈະສືບຕໍ່ພ້ອມກັບບັນດາປະເທດ ອາຊຽນ ສະໜັບສະໜູນ ລາວ ຈັດກອງປະຊຸມຂັ້ນສູງ ອາຊຽນ 44-45 ແລະ ບັນດາກອງປະຊຸມທີ່ກ່ຽວຂ້ອງສຳເລັດ, ປະກອບສ່ວນສ້າງປະຊາຄົມ ອາຊຽນ ນັບມື້ນັບສາມັກຄີ, ໝັ້ນຄົງເຂັ້ມແຂງ.
ທ່ານໃຫ້ຮູ້ວ່າ ຈະຮຽກຮ້ອງການນຳບັນດາປະເທດ ອາຊຽນ ມີນະໂຍບາຍບຸລິມະສິດໃຫ້ແກ່ບັນດາວິສາຫະກິດ ອາຊຽນ; ພ້ອມທັງປາດຖະໜາວ່າ ບັນດາວິສາຫະກິດຈະປ່ຽນໃໝ່ຈິນຕະນາການ, ວິທີເຮັດ, ລະດົມແຫຼ່ງກຳລັງພ້ອມກັນພັດທະນາ. ທ່ານນາຍົກລັດຖະມົນຕີເຊື່ອໝັ້ນວ່າ ບັນດາສະມາຊິກ ASEAN BAC ຈະສືບຕໍ່ເສີມຂະຫຍາຍບົດບາດນຳໜ້າ, ນຳ ອາຊຽນ ກາຍເປັນສະຖານທີ່ດຶງດູດແຖວໜ້າຂອງບັນດານັກລົງທຶນ ແລະ ປະກອບສ່ວນຊຸກຍູ້ ອາຊຽນ ພັດທະນາຢ່າງວ່ອງໄວ ແລະ ຍືນຍົງ.