ທ່ານນາຍົກລັດຖະມົນຕີ ຫງວຽນຊວນຟຸກ ຕ້ອນຮັບປະທານອົງການໜູນຊ່ວຍມະຫາວິທະຍາໄລໂລກ ເຢຍລະມັນ
(VOVWORLD) - ຕອນບ່າຍວັນທີ 22 ມີນາ, ທີ່ສຳນັກງານລັດຖະບານ ຫວຽດນາມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ Kambiz Ghawami ປະທານອົງການໜູນຊ່ວຍມະຫາວິທະຍາໄລໂລກ ເຢຍລະມັນ.
 ທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານ Kambiz Ghawami (ພາບ: VGP) |
ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຢືນຢັນວ່າ: ລັດຖະບານ ຫວຽດນາມ ຍາມໃດກໍ່ສະໜັບສະໜູນມະຫາວິທະຍາໄລ ຫວຽດນາມ - ເຢຍລະມັນ (ຫວຽດ - ດຶກ) ເຄື່ອນໄຫວຢ່າງສະດວກ ແລະ ຕີລາຄາສູງການສິດສອນຂອງມະຫາວິທະຍາໄລ ຫວຽດ - ດຶກ ມີຄຸນນະພາບ, ນັກສຶກສາຮຽນຈົບຍາມໃດກໍ່ຊອກໄດ້ວຽກງານ. ທ່ານນາຍົກລັດຖະມົນຕີຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກພັດທະນາການພົວພັນຄູ່ຮ່ວມມືຍຸດທະສາດອັນດີງາມກັບ ເຢຍລະມັນ.
ສ່ວນທ່ານ Kambiz Ghawami ປາດຖະໜາຢາກພ້ອມກັບກະຊວງສຶກສາ ແລະ ບຳລຸງສ້າງ ຫວຽດນາມ ສ້າງລາຍການລະອຽດ ແນໃສ່ສະເຫຼີມສະຫຼອງເຫດການສ້າງຕັ້ງການພົວພັນທາງການທູດຂອງ 2 ປະເທດ; ມານະພະຍາຍາມລົງນາມໃນສັນຍາຮ່ວມມືດ້ານການສຶກສາ - ບຳລຸງສ້າງລະຫວ່າງ 2 ຝ່າຍໂດຍໄວ.