ທ່ານນາຍົກລັດຖະມົນຕີ ຫງວຽນຊວນຟຸກ ພົບປະສັງສັນ
ບັນດາສະມາຊິກລັດຖະບານສະໄໝຕ່າງໆ
(vovworld) – ເນື່ອງໃນໂອກາດບຸນເຕັດປີລະກາ 2017, ວັນທີ 24/01 ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫງວຽນຊວນຟຸກ ເປັນເຈົ້າພາບຈັດຕັ້ງງານພົບປະສັງສັນກັບບັນດາສະມາຊິກລັດຖະບານຜ່ານສະໄໝຕ່າງໆ. ເຂົ້າຮ່ວມງານພົບປະສັງສັນມີທ່ານນາງປະທານສະພາແຫ່ງຊາດ ຫງວຽນທິກີມເງິນ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ.
ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຂອບໃຈບັນດາການນຳ, ອະດີດການນຳພັກ, ລັດ, ລັດຖະບານ, ສະພາແຫ່ງຊາດຜ່ານສະໄໝຕ່າງໆທີ່ໄດ້ ປະກອບສ່ວນຄຳຄິດຄຳເຫັນອັນລ້ຳຄ່າຫລາຍຢ່າງ ເພື່ອປະກອບສ່ວນກໍ່ສ້າງລັດຖະບານໃໝ່ໃຫ້ມີຄວາມສ້າງສັນ, ຊື່ສັດບໍລິສຸດ, ຂະຫຍັນຂັນເຄື່ອນ, ຮັບໃຊ້ປະຊາຊົນ, ວິສາຫະກິດຢ່າງມີປະສິດທິຜົນ. ເມື່ອຫວນຄືນສະພາບການດ້ານເສດຖະກິດ - ສັງຄົມໃນປີຜ່ານມາ, ທ່ານນາຍົກລັດຖະມົນຕີ ຫງວຽນຊວນຟຸກ ຮັບຮູ້ວ່າ ເຖິງວ່າມີຄວາມຫຍຸ້ງຍາກ, ສິ່ງທ້າທາຍຫລາຍຢ່າງກໍ່ຕາມ ແຕ່ລັດຖະບານອາຍຸການໃໝ່ ກໍ່ໄດ້ສຳເລັດບັນດາຄາດໝາຍທີ່ໄດ້ວາງອອກໂດຍພື້ນຖານ. ນີ້ແມ່ນພື້ນຖານສຳຄັນ ເພື່ອບັນລຸລະດັບເຕີບໂຕໃນປີ 2017 ສູງກ່ວາເກົ່າ.