ທ່ານນາຍົກລັດຖະມົນຕີ ຫງວຽນຊວັນຟຸກ (ພາບ: VGP)

ນາຍົກລັດຖະມົນຕີສອງທ່ານໄດ້ຕີລາຄາສູງເລື່ອງສອງຝ່າຍຕັ້ງໜ້າສົມທົບກັນແກ້ໄຂບັນດາຮົ້ວກີດ ຂວາງໃນການຄ້າສອງຝ່າຍ, ພິເສດສຳລັບສິນຄ້າປະເພດ ກະເສດ, ສິນໃນນ້ຳ ແລະ ສິນທະເລ, ປະກອບສ່ວນເຂົ້າໃນການເສີມຂະຫຍາຍທ່າໄດ້ປຽບຂອງສັນຍາການຄ້າເສລີ ຫວຽດນາມ - ສະຫະພັນ ເສດຖະກິດ ອາຊີ - ເອີລົບໃຫ້ໄດ້ຢ່າງຂຸດຂີດໃນສະພາບການເສດຖະກິດໂລກພວມມີການຜັນແປຫຼາຍຢ່າງ.

ສ່ວນການຮ່ວມມືດ້ານນ້ຳມັນອາຍແກັດ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເນັ້ນໜັກວ່າ ຫວຽດນາມຍາມໃດກໍ່ສ້າງ້ເງື່ອນໄຂໃຫ້ແກ່ວິສາຫະກິດນ້ຳມັນອາຍແກັດສອງປະເທດເປີດກວ້າງການຮ່ວມມື, ສ່ວນທ່ານ ນາຍົກລັດຖະມົນຕີ ສະຫະພັນລັດເຊຍ Dmitry Medvedev ຢັ້ງຢືນວ່າ ລັດເຊຍ ຍາມໃດກໍ່ສະໜັບສະໜູນບັນດາວິສາຫະກິດນ້ຳມັນອາຍແກັດ ລັດເຊຍເຂົ້າຮ່ວມບັນດາໂຄງການໃນເຂດທະເລຂອງ ຫວຽດນາມ. ນາຍົກລັດຖະມົນຕີສອງທ່ານກໍ່ແລກປ່ຽນບັນດາມາດຕະການເພື່ອແນໃສ່ຜັນຂະຫຍາຍໂຄງການຮ່ວມມືສຳຄັນຕ່າງໆ.