ທ່ານນາຍົກລັດຖະມົນຕີ ຫງວຽນຊວນຟຸກ ເປັນປະທານກອງປະຊຸມຫົວເລື່ອງສ້າງກົດໝາຍ
ທ່ານນາຍົກລັດຖະມົນຕີ ຫງວຽນຊວນຟຸກ
ເປັນປະທານກອງປະຊຸມຫົວເລື່ອງສ້າງກົດໝາຍ
(vovworld) - ຕອນບ່າຍວັນທີ 11/04, ໂດຍພາຍໃຕ້ການເປັນປະທານຂອງທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ, ລັດຖະບານໄດ້ດຳເນີນກອງປະຊຸມຫົວເລືອງ, ປະກອບຄຳເຫັນໃສ່ຮ່າງກົດໝາຍວ່າດ້ວຍການໜູນຊ່ວຍສ້າງໂຄງປະກອບບັນດາອົງການສິນເຊື່ອຄືນໃໝ່ ແລະ ແກ້ໄຂໜີ້ເສຍ ພ້ອມກັບວິທີການສະເໜີປັບປຸງ, ເພີ່ມເຕີ່ມ ບັນດາກົດໝາຍທີ່ກ່ຽວຂ້ອງເຖິງກົດໝາຍວ່າດ້ວຍການວາງແຜນກຳນົດ. ນີ້ແມ່ນບັນດາຮ່າງກົດໝາຍຈະໄດ້ຍື່ນສະເໜີຕໍ່ສະພາແຫ່ງຊາດໃນກອງປະຊຸມສະໄໝສາມັນຄັ້ງທີຈະມາເຖິງ. ພາຍ ຫລັງໄດ້ຮັບຟັງຄຳເຫັນຂອງບັນດາສະມາຊິກລັດຖະບານ, ຜູ້ຕ່າງໜ້າບັນດາກຳມາທິການຂອງສະພາແຫ່ງຊາດ, ຄະນະກຳມະການຕິດຕາມກວດກາການເງິນແຫ່ງຊາດ, ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ: ເລື່ອງສ້າງບັນດາຂໍ້ກຳນົດກ່ຽວກັບການສ້າງໂຄງປະກອບບັນດາອົງການສິນເຊື່ອຄືນໃໝ່ ແລະ ແກ້ໄຂໜີ້ເສຍໃຫ້ສົມບູນແບບ ແມ່ນຈຳເປັນ ແລະ ຮີບດ່ວນ ຖ້າຫາກຊັກຊ້າ ຈະສົ່ງຜົນສະທ້ອນເຖິງວິວັດການຄຸ້ມຄອງເສດຖະກິດ - ສັງຄົມ. ບົນຈິດໃຈນັ້ນ, ທ່ານນາຍົກລັດຖະມົນຕີເຫັນດີສ້າງຮ່າງມະຕິຂອງສະພາແຫ່ງຊາດ ກ່ຽວກັບການແກ້ໄຂໜີເສຍ ແລະ ຮ່າງກົດໝາຍປັບປຸງເພີ່ມເຕີ່ມບາງມາດຕາຂອງກົດໝາຍວ່າດ້ວຍບັນດາອົງການສິນເຊື່ອ, ເພື່ອຍື່ນສະເໜີຕໍ່ສະພາແຫ່ງຊາດພິຈາລະນາ.