ທ່ານນາຍົກລັດຖະມົນຕີ ຫງວຽນຊວນຟຸກ ແລະ
ຈັດງານລ້ຽງຄະນະທູຕານຸທູດ
(vovworld) – ຕອນຄ່ຳວັນທີ 23/01 ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ພັນລະຍາ ເປັນເຈົ້າພາບຈັດຕັ້ງງານລ້ຽງຄະນະທູຕານຸທູດ ເນື່ອງໃນໂອກາດບຸນເຕັດປີລະກາ 2017, ໂດຍຫ້ອງວ່າການລັດຖະບານ, ກະຊວງການຕ່າງປະເທດ, ກະຊວງວັດທະນະທຳ, ກິລາ ແລະ ທ່ອງທ່ຽວ, ຄະນະກຳມະການປະຊາຊົນນະຄອນ ຮ່າໂນ້ຍ ສົມທົບກັນຈັດຕັ້ງ. ກ່າວຄຳເຫັນນະທີ່ນີ້ ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສົ່ງພອນອັນປະເສີດຄວາມສະໜິດສະໜົມ ແລະ ຄຳອວຍພອນປີໃໝ່ປີລະກາມາຍັງບັນດາເອກອັກຄະລັດຖະທູດ, ຜູ້ຕາງໜ້າບັນດາອົງການຈັດຕັ້ງ, ເພື່ອນມິດສາກົນ, ຜູ້ທີ່ສະໜິດຕິດພັນກັບ ຫວຽດນາມ. ທ່ານນາຍົກລັດຖະມົນຕີເນັ້ນໜັກວ່າ ຫວຽດນາມ ຢຶດໝັ້ນ ປະຕິບັດແນວທາງການຕ່າງປະເທດເປັນເອກະລາດ, ເປັນເຈົ້າຕົນເອງ, ປະກອບສ່ວນພ້ອມກັບປະຊາຄົມສາກົນສ້າງໂລກສັນຕິພາບ, ມິດຕະພາບ, ສະຖຽນລະພາບ, ຮ່ວມມື ແລະ ພັດທະນາ. ທ່ານນາຍົກລັດຖະມົນຕີ ຢືນຢັນວ່າ:
“ຂ້າພະເຈົ້າຫາກໍ່ກັບມາຈາກເວທີປາໄສເສດຖະກິດໂລກ WEF – 2017 ດ້ວຍການເຄື່ອນໄຫວຫລາຍຢ່າງຄື: ກ່າວປາໄສ, ປຶກສາຫາລືຢູ່ບັນດາເວທີປາໄສ, ພົບປະກັບປະມຸກລັດ, ບັນດາການນຳອົງການຈັດຕັ້ງສາກົນຕ່າງໆ ແລະ ເຫັນວ່າ ຄາດຄະເນ ລວມຂອງປີ 2017 ນັ້ນ ແມ່ນຄວາມປະເອີບໃຈຂອງວິວັດການຟື້ນຟູໃນທົ່ວໂລກ, ບັນດາໂອກາດພັດທະນາຢ່າງໃຫຍ່ຫລວງຂອງການປະຕິວັດອຸດສາຫະກຳຄັ້ງທີ 4, ແຕ່ກໍ່ມີຄວາມວິຕົກກັງວົນຕໍ່ລັດທິປົກປ້ອງທີ່ພວມເກີດຂຶ້ນ, ຄວາມສ່ຽງກ່ຽວກັບເສດຖະກິດ, ການເງິນ; ການກໍ່ການຮ້າຍສາກົນ, ມົນລະພິດສະພາບແວດລ້ອມ, ການປ່ຽນແປງຂອງດິນຟ້າອາກາດ…ສະພາບການນັ້ນ ຮຽກຮ້ອງພວກເຮົາທຸກຄົນ, ບັນດາປະເທດເຖິງວ່າຈະໃຫຍ່ ຫຼື ນ້ອຍ,ຄວນຮ່ວມແຮງຮ່ວມໃຈມີການກະທຳຮັກສາສັນຕິພາບ, ສະຖຽນລະພາບ,ແບ່ງປັນຜົນປະໂຫຍດລວມໃນການຮ່ວມມື, ເຊື່ອມໂຍງບົນພື້ນຖານເຄົາລົບກົດບັດສະຫະປະຊາຊາດ ແລະ ບັນດາຫຼັກການພື້ນຖານຂອງກົດໝາຍສາກົນ. ”