ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ການຕ້ອນຮັບສະພາ ດຳເນີນທຸລະກິດ ອາເມລິກາ
(VOVWORLD) -ຕອນບ່າຍວັນທີ 12 ທັນວາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ໃຫ້ການຕ້ອນຮັບທ່ານ Keith Williams ປະທານສະພາ ດຳເນີນທຸລະກິດ ອາເມລິກາ (USABC) ທັງເປັນ ຜູ້ອຳນວຍການຝ່າຍບໍລິຫານ ກຸ່ມບໍລິສັດໃຫຍ່ Underwriter Laboratories (UL) ເປັນຫົວໜ້າຄະນະທີ່ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ.
|
 ທ່ານນາຍົກລັດຖະມົນຕີ ຫງວຽນຊວັນຟຸກ ແລະ ສະພາ ດຳເນີນທຸລະກິດ ອາເມລິກາ
(ພາບ: TTXVN)
|
ທີ່ການເຮັດວຽກ, ທ່ານນາຍົກລັດຖະມົນຕີ ຫງວຽນຊວັນຟຸກ ຢັ້ງຢືນວ່າ ຫວຽດນາມຍາມໃດກໍ່ຖືອາເມລິກາເປັນໜຶ່ງໃນບັນດາຄູ່ຮ່ວມມືຍຸດທະສາດສຳຄັນໃນຫຼາຍຂົງເຂດ. ໃນໄລຍະຈະມາເຖິງ ແລະ ພິເສດແມ່ນປີ 2020 ເປັນປີທີ່ມີຄວາມໝາຍສຳຄັນພິເສດໃຫ້ແກ່ການພົວພັນສອງຝ່າຍ, ທ່ານນາຍົກລັດຖະມົນຕີ ປາດຖະໜາວ່າ ສອງຝ່າຍຈະສືບຕໍ່ເຮັດໃຫ້ການພົວພັນຄູ່ຮ່ວມມືຮອບດ້ານເຂົ້າສູ່ລວງເລິກ, ມຸ່ງໄປສູ່ການສະເຫຼີມສະຫຼອງ 25 ປີ ແຫ່ງການສ້າງຕັ້ງການພົວພັນທາງການທູດລະຫວ່າງສອງປະເທດ.
ສ່ວນທ່ານ Keith Williams ໄດ້ຊີ້ແຈ້ງວ່າ ປີ 2020 ແມ່ນປີ ສະເຫຼີມສະຫຼອງ 25 ປີແຫ່ງວັນສ້າງການພົວພັນລະຫວ່າງ ຫວຽດນາມ - ອາເມລິກາ ເປັນປົກກະຕິ. ທ່ານ ຫວັງວ່າ USABC ຈະຮ່ວມເດີນທາງ ແລະ ໜູນຊ່ວຍ ຫວຽດນາມໃນການເພີ່ມທະວີການນຳເຂົ້າ - ສົ່ງອອກ.