ທ່ານນາຍົກລັດຖະມົນຕີ ຫງວຽນຊວນຟຸກເຂົ້າຮ່ວມກອງປະຊຸມສະຫຼຸບວຽກງານປີ 2016 ຂອງ EVN
(ພາບປະກອບ)
(vovworld) – ຕອນບ່າຍວັນທີ 3/1, ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫງວຽນຊວນຟຸກ ເຂົ້າຮ່ວມກອງປະຊຸມສະຫຼຸບວຽກງານປີ 2016 ແລະ ຜັນຂະຫຍາຍໜ້າທີ່ປີ 2017 ຂອງກຸ່ມບໍລິສັດໄຟຟ້າ ຫວຽດນາມ (EVN). ກ່າວຄວາມເຫັນຊີ້ນຳກອງປະຊຸມ, ທ່ານນາຍົກລັດຖະມົນຕີ ຕີລາຄາສູງກຸ່ມບໍລິສັດໄຟຟ້າ ໃນ 3 ປີຢ່າງຕໍ່ເນື່ອງບໍ່ປະໃຫ້ເກີດສະພາບຂາດໄຟຟ້າ, ຮັບປະກັນສະໜອງໄຟຟ້າຢ່າງຄົບຖ້ວນໃຫ້ແກ່ພື້ນຖານເສດຖະກິດ ແລະ ການດຳເນີນຊີວິດຂອງປະຊາຊົນ; ນຳ 5 ໜ່ວຍຈັກເຂົ້າເຄື່ອນໄຫວ, ດ້ວຍກຳລັງໄຟຟ້າກວ່າ 2.500 MW ແລະ ນຳເຂື່ອນໄຟຟ້າ ລາຍເຈົາ ເຂົ້າເຄື່ອນໄຫວກ່ອນກຳນົດເວລາ 1 ປີ, ຊ່ວຍປະຢັດເງິນ 5.000 ຕື້ດົ່ງ. ທາງກຸ່ມບໍລິສັດໄດ້ປະຕິບັດວຽກງານສ້າງໂຄງປະກອບວິສາຫະກິດຄືນໃໝ່ເປັນຢ່າງດີ. ຜະລິດ, ດຳເນີນທຸລະກິດດີທີ່ສຸດ, ປະກອບສ່ວນປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດຂອງ ຫວຽດນາມ. ທ່ານນາຍົກລັດຖະມົນຕີ ຊີ້ນຳກຸ່ມບໍລິສັດກະຈາຍໄຟຟ້າ, ນຳໃຊ້ລະບົບໄຟຟ້າ ແລະ ຕະຫຼາດໄຟຟ້າເປັນຢ່າງດີ, ຮັບປະກັນນຳຕະຫຼາດຂາຍຍົກໄຟຟ້າແກ່ງແຍ້ງເຂົ້າເຄື່ອນໄຫວຢ່າງມີປະສິດທິຜົນໃນປີ 2017.
ຕາມບົດລາຍງານແລ້ວ, ປີ 2016, ກຸ່ມບໍລິສັດໄຟຟ້າ ຫວຽດນາມ ຮັບປະກັນສະໜອງໄຟຟ້າໃຫ້ແກ່ການພັດທະນາເສດຖະກິດ - ສັງຄົມ ແລະ ການດຳເນີນຊີວິດຂອງປະຊາຊົນຢ່າງຄົບຖ້ວນ, ດ້ວຍການເຕີບໂຕໄຟຟ້າເປັນສິນຄ້າແມ່ນ 11%.