ທ່ານນາຍົກລັດຖະມົນຕີ ຫງວຽນເຕີນຢຸງ: ຈ່າວິງ ຂຸດຂົ້ນທ່າແຮງເພື່ອພັດທະນາຢ່າງມີປະສິດທິຜົນ
ທ່ານນາຍົກລັດຖະມົນຕີ ຫງວຽນເຕີນຢຸງ
ເຮັດວຽກກັບການນຳຫຼັກແຫຼ່ງແຂວງຈ່າວິງ
(ພາບ: chinhphu.vn)
(vovworld) - ວັນທີ 03/01, ທ່ານນາຍົກລັດຖະມົນຕີ ຫງວຽນເຕີນຢຸງ ພ້ອມກັບຄະນະປະຕິບັດງານຂອງລັດຖະບານ ໄດ້ມີການເຮັດວຽກກັບການນຳຫຼັກແຫຼ່ງແຂວງຈ່າວິງ ກ່ຽວກັບສະພາບເສດຖະກິດສັງຄົມຂອງທ້ອງຖິ່ນ.
ທີ່ການເຮັດວຽກ, ທ່ານນາຍົກລັດຖະມົນຕີ ຫງວຽນເຕີນຢຸງ ຖືວ່າ ແຂວງ ຈ່າວິງ ຄວນເອົາໃຈໃສ່ເປັນພິເສດເຖິງການລົງທຶນພັດທະນາພື້ນຖານໂຄງລ່າງ ເພື່ອຮັບໃຊ້ໃຫ້ພາລະກິດພັດທະນາເສດຖະກິດ, ສັງຄົມ ໂດຍສະເພາະແມ່ນພື້ນຖານໂຄງລ່າງຄົມມະນາຄົມ. ປີ 2014, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ສະເໜີໃຫ້ແຂວງ ຈ່າວິງ ສຸມໃສ່ຂຸດຂົ້ນບັນດາຄວາມສາມາດບົ່ມຊ້ອງ, ທ່າແຮງເປັາຢ່າງດີ ເພື່ອຮັບໃຊ້ໃຫ້ແກ່ການພັດທະນາ, ໂດຍສະເພາະແມ່ນຄວາມສາມາດບົມຊ້ອນ, ທ່າແຮງດ້ານກະສິກຳ, ສິນໃນນ້ຳ. ໃນນັ້ນ, ເອົາໃຈໃສ່ເຖິງການຂະຫຍາຍບັນດາຮູບແບບຮ່ວມສຳພັນ, ພັດທະນາທົ່ງນາຂະໜາດໃຫຍ່, ນຳຄວາມກ້າວໜ້າດ້ານວິທະຍາສາດ, ເຕັກໂນໂລຊີເຂົ້າໃນການຜະລິດ ເພື່ອແນໃສ່ຍົກສູງສະມັດຕະພາບ, ຄຸນນະພາບ, ທ່າແກ່ງແຍ້ງຂອງບັນດາຜະລິດຕະພັນກະສິກຳ. ຄຽງຂ້າງນັ້ນ, ແຂວງຈ່າວິງ ຄວນປະຕິບັດໂຄງການກໍ່ສ້າງຊົນນະບົດໃໝ່ຢ່າງຂ້ຽວຂາດກວ່າອີກ; ຊອກຫາບັນດາວິທີເຮັດທີ່ຂະຫຍັນຂັນເຄື່ອນ, ມີຫົວຄິດປະດິດສ້າງໃນການລະດົມແຫຼ່ງກຳລັງ, ປະຕິບັດໂຄງການດັ່ງກ່າວ.