ທ່ານນາຍົກລັດຖະມົນຕີ ຫງວຽນເຕີນຢູງ ຕ້ອນຮັບ
ທ່ານຮອງນາຍົກລັດຖະມົນຕີ ທອງລຸນ ສີສຸລິດ
ພາບ:tintuc.vn
|
(vovworld)- ວັນທີ 4/11, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ໃຫ້ການຕ້ອນຮັບ ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດລາວ ທອງລຸນ ສີສຸລິດ ພວມຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນ: ລັດຖະບານ ຫວຽດນາມ ຍາມໃດກໍສ້າງເງື່ອນໄຂສະດວກເພື່ອໃຫ້ບັນດາວິສາຫະກິດຫວຽດນາມ ໄປຊອກຫາກາລະໂອກາດ, ເປີດກວ້າງ ຂອບຂະຫນາດຮ່ວມມືລົງທຶນ, ພັດທະນາການຄ້າ ເຂົ້າຕະຫລາດ ຫວຽດນາມ. ທ່ານນາຍົກລັດຖະມົນຕີ ຫງວຽນເຕີນຢູງ ສະເຫນີ 2 ຝ່າຍສົມທົບກັນຢ່າງແຫນ້ນແຟ້ນ ເພື່ອປະກອບສ່ວນເຂົ້າໃນຜົນສຳເລັດກອງປະຊຸມຂັ້ນສູງ ອາຊຽນ ຄັ້ງທີ 27 ແລະ ບັນດາກອງປະຊຸມກ່ຽວຂ້ອງ ຈະຈັດຂຶ້ນຢູ່ ມາເລເຊຍ ໃນໄລຍະຈະມາເຖິງ. ທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນ: ຍາມໃດຫວຽດນາມ ກໍສະຫນັບສະຫນູນ ແລະ ພ້ອມແລ້ວຮ່ວມມື, ຫນູນຊ່ວຍ ສປປ ລາວ ຮັບບົດບາດເປັນປະທານ ອາຊຽນ ໃນປີ 2016.
ສ່ວນ ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດລາວ ທອງລຸນ ສີສຸລິດ ສະແດງຄວາມປາດຖະຫນາຢາກສືບຕໍ່ໄດ້ຮັບການຮ່ວມມື ຫນູນຊ່ວຍ, ແບ່ງປັນບົດຮຽນຈາກ ຫວຽດນາມ ໃນພາລະກິດສ້າງສາ ແລະ ພັດທະນາປະເທດຊາດ. ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດລາວ ທອງລຸນ ສີສຸລິດ ຢືນຢັນ: ລາວ ຈະສືບຕໍ່ສົມທົບຢ່າງແຫນ້ນແຟ້ນກັບຝ່າຍຫວຽດນາມ ເພື່ອແກ້ໄຂຄວາມຫຍຸ້ງຍາກ, ຂໍ້ຕິດຂັດຖ້າມີ ໃນວິວັດການຮ່ວມມື ລະຫວ່າງສອງປະເທດ, ເປັນຕົ້ນແມ່ນບັນດາຂໍ້ຕິດຂັດໃນຂົງເຂດຮ່ວມມືດ້ານເສດຖະກິດ, ການຄ້າ, ການລົງທຶນ.