(vovworld) - ເພື່ອກະກຽມໃຫ້ແກ່ກອງປະຊຸມສະໄໝສາມັນເທື່ອທີ 5 ສະພາແຫ່ງຊາດຫວຽດນາມ ຊຸດທີ 13 ເຊິ່ງຈະດຳເນີນໄປໃນທ້າຍເດືອນ 5, ຕອນບ່າຍວັນທີ 11/05, ຢູ່ນະຄອນຫາຍຟ່ອງ, ທ່ານນາຍົກລັດຖະມົນຕີ ຫງວຽນເຕີນຢຸງ ພ້ອມກັບຄະນະສະມາຊິກສະພາແຫ່ງຊາດນະຄອນຫາຍຟ່ອງ ໄດ້ພົບປະກັບຜູ້ມີສິດເລືອກຕັ້ງນະຄອນ ແນໃສ່ແຈ້ງບັນດາເນື້ອໃນຕົ້ນຕໍ່ຂອງກອງປະຊຸມຄັ້ງທີ 5 ກໍຄືຮັບຟັງ ແລະ ຕອບບັນຫາຄວາມໃນໃຈ, ຄວາມຫວັງຂອງຜູ້ມີສິດເລືອກຕັ້ງຕໍ່ສະພາແຫ່ງຊາດ. ຜູ້ຕາງໜ້າຄະນະສະມາຊິກສະພາແຫ່ງຊາດນະຄອນຫາຍຟ່ອງ ໄດ້ແຈ້ງຜູ້ມີສິດເລືອກຕັ້ງຊາບແຜນການດຳເນີນງານຂອງໂຄງການ, ເນື້ອໃນຕົ້ນຕໍ່ຂອງກອງປະຊຸມຄັ້ງທີ 5. ເຊິ່ງຕາມການຄາດຄະເນແລ້ວ, ທີ່ກອງປະຊຸມຄັ້ງທີ 5, ສະພາແຫ່ງຊາດ ຈະພິຈາລະນາ ແລະ ຮັບຮອງເອົາຮ່າງກົດໝາຍສຳຄັນ 10 ສະບັບ ທີ່ຕິດພັນກັບຊີວິດການເປັນຢູ່ຂອງປະຊາຊົນຄື; ກົດໝາຍວ່າດ້ວຍການໄກເກ່ຍຢູ່ຂັ້ນຮາກຖານ, ກົດໝາຍວ່າດ້ວຍທີ່ດິນ (ສະບັບປັບປຸງ), ກົດໝາຍວ່າດ້ວຍການປັບປຸງ, ເພີ່ມຕື່ມບາງຂໍ້ມາດຕາຂອງກົດໝາຍວ່າດ້ວຍທີ່ຢູ່ອາໄສ...
ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ຮັບຮູ້, ຕີລາຄາສູງບັນດາຂໍ້ສະເໜີທີ່ສຸດຈິດສຸດໃຈ, ມີຄວາມຮັບຜິດຊອບຂອງຜູ້ມີສິດເລືອກຕັ້ງຕໍ່ການພັດທະນາຂອງນະຄອນຫາຍຟ່ອງເວົ້າສະເພາະ ແລະ ຂອງທົ່ວປະເທດເວົ້າລວມ. ທ່ານາຍົກລັດຖະມົນຕີ ຢືນຢັນວ່າ; ລັດຖະບານພວມສຸມໃສ່ແກ້ໄຂໜີ້ເສຍ; ໜູນຊ່ວຍເປີດກວ້າງຕະຫຼາດຈຳໜ່າຍຜະລິດຕະພັນ, ໂດຍສະເພາະແມ່ນຜະລິດຕະພັນກະເສດ...