ທ່ານນາຍົກລັດຖະມົນຕີ ຫງວຽນເຕີນຢຸງ ຢ້ຽມຢາມສະຫະພັນລັດເຊຍ ແລະ ສ.ເບລາຣຸດ ຢ່າງເປັນທາງການ
(ພາບປະກອບ)
(vovworld) - ຕອນເຊົ້າວັນທີ 12/05, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ນຳໜ້າຄະນະຜູ້ແທນຫວຽດນາມ ໄປຢ້ຽມຢາມສະຫະພັນລັດເຊຍ ແລະ ສ.ເບລາຣຸດ ຢ່າງເປັນທາງການ, ໃນລະຫວ່າງວັນທີ 12 – 17/05, ຕາມຄຳເຊີນຂອງທ່ານນາຍົກລັດຖະມົນຕີສະຫະພັນລັດເຊຍ D.Medvedev ແລະ ທ່ານນາຍົກລັດຖະມົນຕີ ສ. ເບລາຣຸດ M.Myasnikovich. ການຢ້ຽມຢາມສັນທະວະໄມຕີລັດເຊຍ ຂອງທ່ານນາຍົກລັດຖະມົນຕີ ຫງວຽວນເຕີນຢຸງ ໃນລະຫວ່າງວັນທີ 12 – 15/05, ຖືກດຳເນີນໄປໃນສະພາບທີ່ການພົວພັນຂອງ 2 ປະເທດພວມກ້າວເຂົ້າສູ່ໄລຍະເພີ່ມທະວີການພົບພັນຄູ່ຮ່ວມມືຮອບດ້ານ. ການພົວພັນດ້ານການເມືອງລະຫວ່າງຫວຽດນາມ ແລະ ສະຫະພັນລັດເຊຍ ມີຄວາມໄວ້ເນື້ອເຊື່ອໃຈຢ່າງສູງ ແລະ ໄດ້ຮັບການປັບປຸງຢ່າງບໍ່ຢຸດຢັ້ງ; ການຮ່ວມມືດ້ານເສດຖະກິດ, ການຄ້າ, ການລົງທຶນລະຫວ່າງ 2 ປະເທດພວມມີການພັດທະນາຢ່າງຂະຫຍັນຂັນເຂື່ອນ. ການຢ້ຽມຢາມເພື່ອແນໃສ່ສືບຕໍ່ຢືນຢັນວ່າ ຫວຽດນາມ ຖືເປັນສຳຄັນ ແລະ ປາດຖະໜາຢາກພັດທະນາການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ - ລັດເຊຍ ຢ່າງບໍ່ຢຸດຢັ້ງ.
ສິ້ນສຸດການຢ້ຽມຢາມສະຫະພັນລັດເຊຍ, ທ່ານນາຍົກລັດຖະມົນຕີ ຫງວຽນເຕີນຢຸງ ຈະໄປຢ້ຽມຢາມ ສ.ເບລາຣຸດ ຢ່າງເປັນທາງການ ໃນລະຫວ່າງວັນທີ 15 – 17/05. ການຢ້ຽມຢາມແມ່ນເພື່ອແນໃສ່ຮັດແໜ້ນການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ, ສ້າງພື້ນຖານປັບປຸງການພົວພັນມິດຕະພາບໃນບັນດາຂົງເຂດ, ໂດຍສະເພາະແມ່ນຫັນໂຄງການຮ່ວມມືດ້ານເສດຖະກິດລະຫວ່າງຫວຽດນາມ - ເບລາຣຸດ ໄລຍະ 2013 – 2015 ເປັນລະອຽດ ດ້ວຍຈຸດໝາຍນຳວົງເງິນການຄ້າ 2 ສົ້ນຂຶ້ນເຖິງລະດັບ 1 ຕື້ USD ກໍຄືຊຸກຍູ້ວິວັດການເຈລະຈາສັຍຍາການຄ້າເສດລີ (FTA) ລະຫວ່າງຫວຽດນາມ ແລະ ພັນທະພາບພາສີລັດເຊຍ - ເບລາຣຸດ - ກາຊັກສຖານ.