ທ່ານນາຍົກລັດຖະມົນຕີ ຫງວຽນເຕິນຢຸງ: ຫວຽດນາມເດັດດ່ຽວ ປົກປັກຮັກສາອະທິ ປະໄຕແລະ ຜົນປະ ໂຫຍດທີ່ຊອບທຳ
(ພາບ: vov)
(vovworld)- ວັນທີ 11/5, ໃນຂອບເຂດກອງປະຊຸມສຸດຍອດອາຊຽນຄັ້ງທີ 24, ທ່ານນາຍົກລັດຖະມົນຕີຫວຽດນາມ ຫງວຽນເຕິນຢຸງ ໄດ້ອອກສຽງທາງການກ່ຽວກັບການກະທຳອັນຕະລາຍທີ່ສຸດຂອງຈີນ ຊື່ງໄດ້ ແລະ ພວມນາບຂູ່ໂດຍກົງເຖິງສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມສະຫງົບປອດໄພການເດີນເຮືອຢູ່ທະເລຕາເວັນອອກ. ທ່ານນາ ຍົກລັດຖະມົນຕີຫວຽດນາມ ຫງວຽນເຕິນຢຸງ ເນັ້ນໜັກວ່າ: ແຕ່ວັນທີ 1/5, ຈີນໄດ້ນຳຮ້ານເຈາະນ້ຳມັນນ້ຳເລິກພ້ອມກັບກຳປັ່ນປະກອບອາວຸດ, ກຳປັ່ນທະຫານ ແລະ ເຮືອບິນຫນູນຫຼັງກ່ວາ 80 ລຳເຂົ້າເຂດທະເລຫວຽດນາມ ຢ່າງບັງອາດ ແລະ ໄດ້ຕັ້ງຮ້ານເຈາະນ້ຳມັນນີ້ຢູ່ທີ່ຕັ້ງເລິກກ່ວາ 80 ໄມລະເລໃນເຂດໄຫຼ່ທະວີບ ແລະ ເຂດເສດຖະກິດຈຳເພາະຂອງຫວຽດນາມ ຕາມສົນທິສັນຍາ ສປຊ ກ່ຽວກັບກົດໝາຍທະເລປີ 1982. ທ່ານນາຍົກລັດຖະມົນຕີຫວຽດນາມ ຫງວຽນເຕິນຢຸງ ຢືນຢັນວ່າ:
“ຫວຽດນາມມີຄວາມລະງັບໃຈທີ່ສຸດ, ສະແດງທຸກໆເຈດຕະນາດີ, ນຳໃຊ້ທຸກຊ່ອງເຈລະຈາ, ພົວພັນກັບຂັ້ນຕ່າງໆຂອງຈີນ ເພື່ອຄັດຄ້ານຈີນ ແລະ ຮຽກຮ້ອງໃຫ້ຈີນ ຈົ່ງຖອນຮ້ານເຈາະນ້ຳມັນ ແລະ ບັນດາກຳປັ່ນປະກອບອາວຸດ, ກຳປັ່ນທະຫານອອກຈາກເຂດທະເລຂອງຫວຽດນາມ ໂດຍທັນທີ. ແຕ່ເຖິງຢ່າງໃດກໍ່ຕາມ, ມາຮອດປະຈຸບັນ, ຈີນບໍ່ພຽງແຕ່ບໍ່ຕອບສະໜອງຄຳຮຽກຮ້ອງອັນຊອບທຳຂອງຫວຽດນາມ ຫາກຍັງຕູ່ຫາ, ຖີ້ມໂທດໃຫ້ແກ່ຫວຽດນາມ ແລະ ສືບຕໍ່ເພີ່ມບັນດາການກະທຳລະເມີດນັບມື້ນັບອັນຕະລາຍ ແລະ ໜັກໜ່ວງກ່ວາ. ຫວຽດນາມ ຄັດຄ້ານບັນດາການກະທຳລະເມີດ ແລະ ເດັດດ່ຽວປົກປັກຮັກສາອະທິປະໄຕແຫ່ງຊາດ ແລະ ຜົນປະໂຫຍດອັນຊອບທຳຂອງຕົນ, ສອດຄ່ອງກັບກົດໝາຍສາກົນ“.
ປະຊາຊົນຫວຽດນາມເຫັນດີກັບເນື້ອໃນບົດກ່າວໄປາໄສຂອງທ່ານນາຍົກລັດຖະ ມົນຕີຫວຽດນາມ ຫງວຽນເຕິນຢຸງ ຢູ່ກອງປະຊຸມສຸດຍອດອາຊຽນຄັ້ງທີ 24
ພາຍຫລັງໄດ້ຮັບຟັງບົດກ່າວປາໄສຂອງທ່ານນາຍົກລັດຖະມົນຕີຫວຽດນາມ ຫງວຽນເຕິນຢຸງ ຢູ່ກອງປະຊຸມສຸດຍອດອາຊຽນຄັ້ງທີ 24, ປະຊາຊົນນະຄອນດ່ານັງ ໄດ້ເຫັນດີກັບເນື້ອໃນບົດກ່າວປາໄສ. ທ່ານໂງຕວນແອງ, ອາຈານມະຫາວິທະຍາໄລດ່ານັງຖືວ່າ:
“ນີ້ແມ່ນບົດກ່າວປາໄສຢ່າງກົງໄປກົງມາ, ສະແດງ ທັດສະນະຂອງລັດຫວຽດ ນາມ ໃນການແກ້ໄຂການພິພາດບົນທະເລຕາເວັນອອກຢ່າງຈະແຈ້ງ; ຮຽກຮ້ອງໃຫ້ຫາງສຽງສາກົນຈ່ົງເອົາໃຈໃສ່ເຖິງບັນຫານີ້ ແລະ ຊີ້ແຈ້ງຄວາມຜິດພາດຂອງຈີນ. ພ້ອມກັນນັ້ນກໍ່ຫວັງວ່າ, ເພື່ອນມິດກໍ່ຄືຫາງສຽງໂລກກໍ່ຈະກ່າວປະນາມການກະທຳຂອງຈີນ ແລະ ຮຽກຮ້ອງໃຫ້ຝ່າຍຈີນ ຈົ່ງຖອນຮ້ານເຈາະນ້ຳມັນໄຮຢາງ 981 ອອກໂດຍໄວ ແລະ ບໍ່ ມີການກະທຳເກາະຜິດບົນທະເລຂອງຫວຽດນາມອີກ“./.