ທ່ານນາຍົກລັດຖະມົນຕີ ຫງວຽນເຕີນຢຸງ ເຮັດວຽກກັບການນຳຫຼັກແຫຼ່ງແຂວງຫາຍເຢືອງ
(ພາບ: chinhphu.vn)
(vovworld) - ຕອນເຊົ້າວັນທີ 02 ສິງຫາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ມີການເຮັດວຽກກັບການນຳຫຼັກແຫຼ່ງແຂວງຫາຍເຢືອງ ກ່ຽວກັບສະພາບເສດຖະກິດ, ສັງຄົມຂອງທ້ອງຖິ່ນ. ກ່າວຄຳເຫັນທີ່ການເຮັດວຽກ, ທ່ານນາຍົກລັດຖະມົນຕີ ຫງວຽນເຕີນຢຸງ ຖືວ່າ ບັນດາຜົນງານເຊິ່ງແຂວງບັນລຸໄດ້ໃນໄລຍະຜ່ານມາ ແມ່ນພື້ນຖານເພື່ອໃຫ້ແຂວງຫາຍເຢືອງ ສືບຕໍ່ບັນລຸໄດ້ບັນດາບາດກ້າວພັດທະນາໃໝ່ໃນໄລຍະຈະມາເຖິງ. ບົນພື້ນຖານຄວາມສາມາດບົມຊ້ອນ, ທ່າແຮງທີ່ມີຢູ່ແລ້ວຂອງທ້ອງຖິ່ນ, ທ່ານນາຍົກລັດຖະມົນຕີສະເໜີໃຫ້ການນຳແຂວງຫາຍເຢືອງ ຕ້ອງປະຕິບັດການສ້າງໂຄງປະກອບເສດຖະກິດຄືນໃໝ່ຕາມທິດຍົກສູງສະມັດຕະພາບ, ຄຸນະພາບ, ກຳລັງແກ່ງແຍ້ງຂອງຜະລິດຕະພັນສິ້ນຄ້າ ແລະ ການບໍລິການຢ່າງຂ້ຽວຂາດ. ສຳລັບກະສິກຳ, ຕ້ອງພັດທະນາຕາມທິດຂອບຂະໜາດໃຫຍ່,ມີການຮ່ວມສຳພັນຢ່າງແໜ້ນແຟ້ນໃນການຜະລິດ ຕິດພັນກັບອຸດສາຫະກຳ, ປຸງແຕ່ງ, ນ້ຳໃຊ້ວິທະຍາສາດເຕັກນິກເຂົ້າໃນການປູກຝັງ, ລ້ຽນສັດ, ພ້ອມທັງຍູ້ແຮງການເຄືອນໄຫວສົ່ງເສີມການຄ້າ, ການລົງທຶນ, ເປີດກວ້າງ ແລະ ພັດທະນາຕະຫຼາດຈຳນ່າຍສິນຄ້າ... ທ່ານນາຍົກລັດຖະມົນຕີຫງວຽນເຕີນຢຸງ ກໍ່ໃສ່ໃຈວ່າ ແຂວງຫາຍເຢືອງ ຕ້ອງເອົາໃຈໃສ່ເຖິງການລົງທຶນກໍ່ສ້າງພື້ນຖານໂຄງລ່າງເສດຖະກິດສັງຄົມ, ຖືວຽກງານສອນວິຊາຊີບ, ສ້າງວຽກເຮັດງານທຳໃຫ້ແກ່ຄົນງານເປັນສຳຄັນກວ່າອີກ; ສືບຕໍ່ປະຕິບັດບັນດານະໂຍບາຍເບິ່ງແຍງດູແລ, ຮັບປະກັນຊີວິດສັງຄົມ ແລະ ຫຼຸດຜ່ອນອັດຕາຄອບຄົວທຸກຍາກລົງຢ່າງວ່ອງໄວ...