ທ່ານນາຍົກລັດຖະມົນຕີ ຫງວຽນເຕີນຢູງ ເຮັດວຽກຢູ່ແຂວງນີງທ້ວນ
ຕອນເຊົ້າວັນທີ 10/12, ຢູ່ ນະຄອນ ຟານຣາງ, ທາບຈ່າມ, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ເຂົ້າຮ່ວມກອງປະຊຸມປະກາດການວາງແຜນກຳນົດສັງລວມການພັດທະນາເສດຖະກິດ ສັງຄົມ ແຂວງ ນີງທ້ວນ ຮອດປີ 2020. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນເຕີນຢູງ ຕີລາຄາສູງຕໍ່ເລື່ອງແຂວງ ນີງທ້ວນ ໄດ້ສ້າງການວາງແຜນກຳນົດສັງລວມພັດທະນາເສດຖະກິດ ສັງຄົມ ດ້ວຍວິໄສທັດ ແລະ ຍຸດທະສາດຢ່າງຈະແຈ້ງ, ພ້ອມທັງຈັດຕັ້ງປະກາດການວາງແຜນກຳນົດ ແລະ ສົ່ງເສີມການລົງທຶນ ເພື່ອລະດົມແຫລ່ງກຳລັງເພື່ອປະຕິບັດ. ທ່ານນາຍົກລັດຖະມົນຕີຫງວຽນເຕີນຢູງ ເນັ້ນຫນັກວ່າ:
“ ເຖິງວ່າໃນພາຍພາກຫນ້າຍັງປະສົບກັບຄວາມຫຍຸ້ງຍາກກໍຕາມ ແຕ່ແຂວງ ນີງທ້ວນມີຄວາມສາມາດບົ່ມຊ້ອນຫລາຍຢ່າງ ແລະ ກາລະໂອກາດເພື່ອພັດທະນາ, ເປັນຕົ້ນແມ່ນອຸດສາຫະກຳພະລັງງານ, ບໍລິການການທ່ອງທ່ຽວ, ກະສິກຳ, ລ້ຽງປູກ ແລະ ປຸງແຕ່ງສິນໃນນ້ຳ, ສິນທະເລ ແລະ ບັນດາພື້ນຖານໂຄງລ່າງຄົມມະນາຄົມສຳຄັນ ແລະ ທັນສະໄຫມ ພວມ ແລະ ຈະໄດ້ຮັບການລົງທຶນກໍ່ສ້າງ. ພິເສດ ແຂວງນີງທ້ວນແມ່ນສະຖານທີ່ໄດ້ຮັບເລືອກເພື່ອລົງທຶນກໍ່ສ້າງ ໂຮງງານໄຟຟ້ານິວເຄຼຍສອງແຫ່ງທຳອິດຂອງທົ່ວປະເທດ ດ້ວຍຍອດຈຳນວນເງິນລົງທຶນ 16 ຕຶ້ໂດລາສະຫະລັດ ດ້ວຍເຕັກໂນໂລຊີກ້າວຫນ້າທີ່ສຸດ ແລະ ປອດໄພທີ່ສຸດຢູ່ໃນໂລກ. ນີ້ແມ່ນກາລະໂອກາດດີ ເພື່ອໃຫ້ແຂວງ ນີງທ້ວນສ້າງບາດກ້າວບຸກທະລຸໃນການພັດທະນາຢ່າງວ່ອງໄວ ແລະ ໝັ້ນຄົງ.“