ທ່ານນາຍົກລັດຖະມົນຕີ ຫງວຽນເຕີນຢຸງ:ສະໜອງໜັງສືອະນຸຍາດໃຫ້ວິສາຫະກິດບໍ່ເກີນ 2 ວັນ
(ທ່ານນາຍົກລັດຖະມົນຕີ ຫງວຽນເຕີນຢຸງ
ເຮັດວຽກກັບກະຊວງແຜນການ ແລະ ການລົງທຶນ)
(vovworld) – ຕອນເຊົ້າວັນທີ 10/09 ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢຸງ ພ້ອມກັນການນຳບາງກະຊວງ, ຂະແໜງການສູນກາງ ໄດ້ມີການເຮັດວຽກກັບກະຊວງແຜນການ ແລະ ການລົງທຶນ ກ່ຽວກັບການປະຕິຮູບລະບຽບການບໍລິຫານໃນຂົງເຂດສ້າງຕັ້ງ, ຍຸບເລິກວິສາຫະກິດ ແລະ ການເຄື່ອນໄຫວລົງທຶນ. ນີແມ່ນໜ້າທີ່ຮີບດ່ວນຕິດພັນກັບການຮັບປະກັນລັກສະນະເປັນເອກະພາບ, ເຊື່ອມຕໍ່, ສ້າງຄວາມສະດວກ, ຄວາມສາມາດເປັນໄປໄດ້ ແລະ ຄົບຊຸດກັບບັນດາຂົງເຂດລະບຽບການບໍລິຫານອື່ນໆ ເພື່ອສ້າງບ້າວກ້າວ ບຸກທະລຸ, ລົບລ້າງຮົ້ວກີດຂວາງໃນການລົງທຶນ, ສ້າງຄວາມສະດວກໃຫ້ປະຊາຊົນ, ວິສາຫະກິດຂຶ້ນກັບທຸກພາກສ່ວນເສດຖະກິດພັດທະນາການຜະລິດ ດຳເນີນທຸລະກິດ, ປະກອບສ່ວນຍົກສູງຄວາມສາມາດແກ່ງແຍ່ງແຫ່ງຊາດ. ກ່າວຄຳເຫັນສະຫຼຸບການເຮັດວຽກ, ທ່ານນາຍົກລັດຖະມົນຕີ ຫງວຽນເຕີນຢຸງ ເນັ້ນໜັກວ່າ: ໃນສະພາບເຊື່ອມໂຍງເຂົ້າກັບສາກົນ, ການແກ່ງແຍ່ງແມ່ນຈຳເປັນເພື່ອຄົງຕົວ ແລະ ພັດທະນາ. ຢາກຄົງຕົວ ແລະ ພັດທະນາໄດ້ ຕ້ອງຍົກສູງຄວາມສາມາດແກ່ງແຍ່ງແຫ່ງຊາດ ແລະ ປັບປຸງສະພາບແວດລ້ອມແຫ່ງການລົງທຶນ. ເລື່ອງປັບປຸງລະບອບເສດຖະກິດການຕະຫຼາດ ໄດ້ກຳນົດວ່າແມ່ນໜຶ່ງໃນ 3 ຂອດບຸດທະລຸຍຸດທະສາດ ເພື່ອນຳປະເທດຊາດພັດທະນາຢ່າງໄວ, ໝັ້ນຂົງ, ໃນນັ້ນການປະຕິຮູບດ້ານລະບຽບການບໍລິຫານແມ່ນມາດຕະການທີ່ມີປະສິດທິຜົນທີ່ສຸດ ເພື່ອຍົກສູງຄວາມສາມາດແກ່ງແຍ່ງ ແລະ ປັບປຸງສະພາບແວດລ້ອມແຫ່ງການລົງທຶນ. ບົດນພື້ນຖານໄຈ້ແຍກເວລາສະໜອງໜັງສືອະນຸຍາດໃຫ້ວິສາຫະກິດ, ຄິດສະເລ່ຍໃນທົ່ວປະເທດແມ່ນພາຍໃນເວລາ 4 ວັນ, ທ່ານນາຍົກລັດຖະມົນຕີ ຫງວຽນເຕີນຢຸງ ຮຽກຮ້ອງເປັນເອກະພາບກ່ຽວກັບເວລາສະໜອງໜັງສືອະນຸຍາດໃຫ້ວິສາຫະກິດແມ່ນບໍ່ເກີນ 2 ວັນໃນປີ 2014. ທ່ານນາຍົກລັດຖະມົນຕີຮຽກຮ້ອງໃຫ້ກະຊວງແຜນການ ແລະ ການລົງທຶນ ທະວີຄູນຮູບແບບປະຕູດຽວເຊື່ອມຕໍ່ ຕິດພັນກັບການຍູ້ແຮງການນຳໃຊ້ເຕັກໂນໂລຊີຂໍ້ມູນຂ່າວ ເພື່ອແນໃສ່ຍົກສູງປະສິດທິຜົນແຫ່ງການຄຸ້ມຄອງລັດ ໃນການຮັບເອົາສຳເນົາເອກະສານ ແລະ ແກ້ໄຂລະບຽບການສ້າງຕັ້ງ, ປ່ຽນແປງເນື້ອໃນຈົດທະບຽນສ້າງຕັ້ງວິສາຫະກິດ, ຍຸບເລິກວິສາຫະກິດ; ພ້ອມທັງຄົ້ນຄວ້ມລັກສະນະເປັນໄປຂອງລາຍເຊັນເອເລກໂຕນິກ ແລະ ວິທີຄວັດກາຈ້ຳສະດວກທີ່ສຸດໃຫ້ວິສາຫະກິດ.