ທ່ານນາຍົກລັດຖະມົນຕີ ຫຼີຊຽນ: ຈີນ ພ້ອມແລ້ວທີ່ຈະຮ່ວມມືກັບ ອົດສະຕາລີ
(VOVWORLD) - ຕອນບ່າຍວັນທີ 15 ມິຖຸນາ ຕາມເວລາທ້ອງຖິ່ນ, ທ່ານນາຍົກລັດຖະມົນຕີ ຈີນ ຫຼີຊຽນ ໄດ້ເດີນທາງໄປຍັງນະຄອນ Adelaide, ເມືອງເອກລັດ ອົດສະຕາລີ ໃຕ້. ນີ້ແມ່ນສະຖານທີ່ເຄື່ອນໄຫວທຳອິດໃນການເດີນທາງໄປປະຕິບັດງານຢູ່ ອົດສະຕາລີ ໃນເວລາ 4 ວັນ.
 ການນຳ ອົດສະຕາລີ ຕ້ອນຮັບທ່ານນາຍົກລັດຖະມົນຕີ ຈີນ ຫຼີຊຽນ ຢູ່ ສະໜາມບິນ (ພາບ: Getty Images) |
ໃນວັນດຽວກັນ, ສະຖານທູດ ຈີນ ປະຈຳ ອົດສະຕາລີ ໄດ້ອອກແຈ້ງການ ໂດຍໃຫ້ຮູ້ວ່າ ທ່ານນາຍົກລັດຖະມົນຕີ ຈີນ ຢັ້ງຢືນວ່າ ອົດສະຕາລີ ມີ “ທີ່ຕັ້ງພິເສດ, ເຊື່ອມຕໍ່ຕາເວັນຕົກ ກັບ ຕາເວັນອອກ” ແມ່ນປັດໄຈສຳຄັນຂອງພື້ນຖານເສດຖະກິດທົ່ວໂລກ ແລະ ໂລກຫຼາຍຂົ້ວ”. ທ່ານນາຍົກລັດຖະມົນຕີ ຫຼີຊຽນ ຊີ້ແຈ້ງວ່າ ປັກກິ່ງ ຢາກເຮັດໃຫ້ການພົວພັນຮ່ວມມືກັບ Canberra ມີສີສັນໃໝ່ ແລະ “ພ້ອມແລ້ວທີ່ຈະຮ່ວມມືກັບ ອົດສະຕະລີ”; ພ້ອມທັງຢັ້ງຢືນວ່າ “ການພົວພັນຄູ່ຮ່ວມມືຍຸດທະສາດຮອບດ້ານທີ່ເຕີບໃຫຍ່, ມີສະຖຽນລະພາບ ແລະ ມີປະສິດທິຜົນກວ່າ ຈະແມ່ນຊັບສົມບັດລວມຂອງທັງສອງປະເທດ”.
ໃນຂອບເຂດການຢ້ຽມຢາມ, ຄາດວ່າ ທ່ານນາຍົກລັດຖະມົນຕີ ຫຼີຊຽນ ແລະ ຄູ່ຕຳແໜ່ງ ອົດສະຕາລີ, Anthony Albanese ຈະເປັນປະທານຮ່ວມກອງປະຊຸມການນຳປະຈຳປີ ຈີນ - ອົດສະຕາລີ ຄັ້ງທີ 9 ແລະ ພ້ອມກັນເຂົ້າຮ່ວມກອງປະຊຸມໂຕະມົນ CEO ຈີນ - ອົດສະຕາລີ.
ຫວຽດງາ - ນັກຂ່າວ VOV ປະຈຳ ອົດສະຕາລີ