ທ່ານນາຍົກລັດຖະມົນຕີຫງວຽນຊວນຟຸກຕ້ອນຮັບການນຳກຸ່ມບໍລິສັດເສດຖະກິດຈີນຈຳນວນຫນຶ່ງ
|
(vovworld)- ຕອນບ່າຍວັນທີ 5/12 ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕ້ອນຮັບທ່ານນາງ ຫລີຈືຫີນ ປະທານບໍລິສັດຫຸ້ນສ່ວນວິທະຍາສາດເຕັກນິກສິ່ງແວດລ້ອມຊີວະພາບ Kaidi ຈຳກັດ ແລະ ທ່ານ ຫລີ ຄວາຍເຈີນ ຜູ້ອຳນວຍການຝ່າຍບໍລິຫານ, ຜູ້ອຳນວຍການໃຫຍ່ບໍລິສັດຫຸ້ນສ່ວນລົງທຶນ…ຈີນພວມມີການສຳຫລວດຕະຫລາດຢູ່ຫວຽດນາມ ເພື່ອຊອກຫາກາລາໂອກາດຮ່ວມມືລົງທຶນຢູ່ຫວຽດນາມ. ນະທີ່ນີ້ ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນຫນັກວ່າ: ໄລຍະຜ່ານມາ ລັດຖະບານຫວຽດນາມ ໄດ້ປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດຢ່າງບໍ່ຢຸດຢັ້ງ. ລັດຖະບານຫວຽດນາມ ຍາມໃດກໍສ້າງເງື່ອນໄຂສະດວກໃຫ້ບັນດານັກລົງທຶນເຂົ້າມາຫວຽດນາມ, ໃນນັ້ນ ມີນັກລົງທຶນຈີນ ພ້ອມທັງໃສ່ໃຈບັນດານັກລົງທຶນນຳໃຊ້ເຕັກໂນໂລຊີທັນສະໄຫມ, ເປັນມິດກັບສິ່ງແວດລ້ອມ. ນີ້ແມ່ນບັນດາຂົງເຂດມີຄວາມສາມາດບົ່ມຊ້ອນພັດທະນາຫລາຍຢ່າງຢູ່ຫວຽດນາມ. ທ່ານນາຍົກລັດຖະມົນຕີ ສະເຫນີໃຫ້ບັນດາກະຊວງ, ຂະແຫນງການກ່ຽວຂ້ອງຕ້ອງເຮັດວຽກລະອຽດກັບກຸ່ມບໍລິສັດ 2 ແຫ່ງດັ່ງກ່າວ ເພື່ອແກ້ໄຂບັນດາຄຳສະເຫນີແນະ, ສ້າງຄວາມສະດວກໃຫ້ວິສາຫະກິດລົງທຶນຢູ່ຫວຽດນາມ.