ທ່ານນາຍົກລັດຖະມົນຕີຫງວຽນຊວນຟຸກພົບປະກັບປະທານສະພາຕ່ຳແຫ່ງຊາດລັດເຊຍ
|
ການພົບປະກັບປະທານສະພາຕ່ຳ ລັດເຊຍ
|
(vovworld)-ໃນຂອບເຂດການຢ້ຽມຢາມລັດເຊຍຢ່າງເປັນທາງການ, ວັນທີ 17/5 ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມີການພົບປະກັບປະທານສະພາຕ່ຳ ລັດເຊຍ, Sergey Naryshkin. ນະທີ່ນີ້ ສອງຝ່າຍໄດ້ສະແດງຄວາມເພິ່ງພໍໃຈຕໍ່ການພັດທະນາອັນດີງາມຂອງການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ ແລະ ລັດເຊຍ. ທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານປະທານສະພາຕ່ຳລັດເຊຍ Sergey Naryshkin ມີຄວາມປິຕິຊົມຊື່ນຕໍ່ບັນດາບາດກ້າວພັດທະນາຢ່າງຕັ້ງຫນ້າ ແລະ ປະສານສົມທົບຢ່າງແຫນ້ນແຟ້ນລະຫວ່າງສະພາແຫ່ງຊາດ ຫວຽດນາມ ແລະ ສະຫະພັນລັດເຊຍ ໃນໄລຍະຜ່ານມາ, ພິເສດໃນປີນີ້ ສະພາແຫ່ງຊາດສອງປະເທດຈະສະເຫລີມສະຫລອງ 60 ປີແຫ່ງວັນສ້າງຕັ້ງສາຍພົວພັນທາງການຮ່ວມມື. ທ່ານນາຍົກລັດຖະມົນຕີ ຫງວຽນຊວນຟຸກ ສະເຫນີ ອົງການນິຕິບັນຍັດສອງປະເທດສືບຕໍ່ເພີ່ມທະວີການຮ່ວມມືບົນເວທີສາກົນ, ສົມທົບກັນໃນການປົກປັກຮັກສາບັນດາສົນທິສັນຍາສາກົນຢ່າງມີປະສິດທິຜົນ ແລະ ມີລັກສະນະຄວາມເປັນໄປສູງ.