(ທ່ານນາຍົກລັດຖະມົນຕີ ຫງວຽນຊວນຟຸກ ເຂົ້າຮ່ວມກອງປະຊຸມສົ່ງເສີມການລົງທຶນແຂວງວິ້ງລອງ 2018)

ໃນນັ້ນມີນັກທຸລະກິດ, ນັກລົງທຶນຢູ່ພາຍໃນປະເທດ ແລະ ສາກົນນັບຮ້ອຍຄົນ. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ແຂວງ ວິ້ງລອງ ໃນທົດສະວັດຈະມາເຖິງ ໄດ້ກາຍເປັນແຂວງພັດທະນາຂະຫຍັນຂັນເຄື່ອນແຖວໜ້າຂອງທົ່ວປະເທດ. ນອກນັ້ນ, ວິ້ງລອງ ຕ້ອງສົມທົບຍຸດທະສາດຮັບມືກັບການປ່ຽນແປງຂອງດິນຟ້າອາກາດເຂົ້າໃນຍຸດທະສາດພັດທະນາເສດຖະກິດ, ສັງຄົມ ເພື່ອຮັບປະກັນການພັດທະນາແບບຍືນຍົງ.

        ພິເສດ, ທ່ານນາຍົກລັດຖະມົນຕີສະເໜີໃຫ້ແຂວງວິ້ງລອງ ສ້າງລະບົບຮ່ວມສຳພັນໃນກະສິກຳດ້ວຍຮູບແບບ: ຊາວກະສິກຳ, ລັດ, ນັກລົງທຶນ, ທະນາຄານ, ນັກວິທະຍາສາດ, ນັກຈຳໜ່າຍ. ກ່ຽວກັບບັນດາມາດຕະການລະອຽດ, ທ່ານນາຍົກລັດຖະມົນຕີສະເໜີໃຫ້ແຂວງວິ້ງລອງ ຄວນຍົກສູງຈຳນວນ ແລະ ຂອບຂະໜາດວິສາຫະກິດໃນບໍລິເວນແຂວງ, ດຶງດູດບັນດານັກລົງທຶນໃຫຍ່ກ່ຽວກັບດ້ານທຶນຮອນ, ເຕັກໂນໂລຊີໃໝ່ມາລົງທຶນຢູ່ແຂວງວິ້ງລອງ ໃຫ້ຫຼາຍກວ່າ. ຕາມທ່ານນາຍົກລັດຖະມົນຕີ ຫງວຽນຊວນຟຸກ ແລ້ວ, ແຂວງວິ້ງລອງ ຕ້ອງປັບປຸງສະພາບແວດລ້ອມກົນໄກນະໂຍບາຍ, ຫຼຸດຜ່ອນລະບຽບການບໍລິຫານ, ປັບປຸງສະພາບແວດລ້ອມແຫ່ງການລົງທຶນ, ສ້າງຄວາມສະດວກໃຫ້ບັນດານັກລົງທຶນກວ່າອີກ.