ທ່ານ ນາຍົກລັດຖະມົນຕີຫງວຽນຊວນຟຸກ
ເຮັດວຽກກັບແຂວງບີງເຟືອກ
(ພາບ: baochinhphu.vn)
(vovworld) – ຕອນບ່າຍວັນທີ 02/01, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ຄະນະປະຕິບັດງານຂອງລັດຖະບານເຮັດວຽກກັບການນຳຫຼັກແຫຼ່ງຂອງແຂວງ ບີງເຟືອກ. ທ່ານນາຍົກລັດຖະມົນຕີໄດ້ຕີລາຄາສູງບັນດາຜົນງານ ເຊິ່ງທາງແຂວງບັນລຸໄດ້ໃນ 20 ປີຜ່ານມາ. ເພື່ອຊຸກຍູ້ການພັດທະນາເສດຖະກິດ - ສັງຄົມໃນໄລຍະຈະມາເຖິງ, ແຂວງ ບີງເຟືອກ ຄວນກຳແໜ້ນທີ່ຕັ້ງສຳຄັນຂອງແຂວງຢູ່ເຂດຕາເວັນອອກພາກໃຕ້ ດ້ວຍໜອງ 53 ແຫ່ງ, ແມ່ນ້ຳກ່ວາ 100 ສາຍ, 52% ເນື້ອທີ່ໃນທົ່ວແຂວງແມ່ນປ່າໄມ້. ທ່ານນາຍົກລັດຖະມົນຕີ ຕີລາຄາສູງແຂວງ ບີງເຟືອກ ໃນເບື້ອງຕົ້ນ ກໍ່ສ້າງໄດ້ບາງຮູບແບບກະສິກຳເຕັກໂນໂລຢີສູງ. ທ່ານນາຍົກລັດຖະມົນຕີ ຮຽກຮ້ອງແຂວງຕ້ອງມີວິໄສທັດພັດທະນາໃນໄລຍະຈະມາເຖິງ, ຄືພັດທະນາພື້ນຖານກະສິກຳຫລາຍຮູບຫລາຍແບບ, ສະຫລາດ, ເປັນຮູບແບບຂອງທົ່ວປະເທດໃນການລົບລ້າງຄວາມອຶດຫິວຫລຸດຜ່ອນຄວາມທຸກຍາກໃຫ້ພໍ່ແມ່ປະຊາຊົນຊາວກະສິກອນ; ປະຕິບັດແຜນຜັງທີ່ດິນ, ປ່າໄມ້, ຊັບຊ້ອນນິຄົມປ່າໄມ້ຄືນໃໝ່, ຮັບປະກັນທີ່ດິນໃຫ້ຄົນທຸກຍາກ, ຄົມຊົນເຜົ່າສ່ວນນ້ອຍທີ່ທຸກຍາກຂາດທີ່ດິນ. ເນັ້ນໜັກເຖິງແຫຼ່ງຊັບພະຍາກອນມະນຸດແມ່ນສຳຄັນທີ່ີສຸດ ເພື່ອໃນການນຳຄຸ້ມຄອງຮອບດ້ານ, ພິເສດແມ່ນໃນການຄຸ້ມຄອງເສດຖະກິດ. ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີການນຳບັນດາພະແນກ, ຂະແໜງການຂອງແຂວງຕ້ອງເຂົ້າໃຈຂົງເຂດທີ່ຕົນຄຸ້ມຄອງ, ກຳແໜ້ນວິຊາການ ແລະ ກົດໝາຍເພື່ອເປັນເສນາທິການໃຫ້ການນຳແຂວງ.