(vovworld) - ຕອນບ່າຍວັນທີ 25/5, ຢູ່ສຳນັກກງານລັດຖະບານ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໃຫ້ການຕ້ອນຮັບ ທ່ານ ນາງ Cecllia Piccioni ເອກອັກຄະລັດຖະທູດ ອີຕາລີ. ທີ່ການຕ້ອນຮັບ, ທ່ານນາຍົກລັດຖະມົນ ຫງວຽນຊວນຟຸກ ປາດຖາໜາວ່າ: ສອງປະເທດຈະຍູ້ແຮງການຮ່ວມມືລົງທຶນ, ດ້ານການຄ້າກວ່າອີກ, ເພື່ອນຳມາເຊິ່ງຜົນປະໂຫຍດໃຫ້ແກ່ຊົນຊາດ ແລະ ປະຊາຊົນສອງປະເທດ. ທ່ານນາຍົກລັດຖະມົນຕີ ສະແດງຄວາມຂອບໃຈ ອີຕາລີ ທີ່ໄດ້ໃຫ້ສັດຕະຍາບັນ ສັນຍາການຄ້າເສລີ ລະຫວ່າງ ຫວຽດນາມ ແລະ ອີຢູ, ພ້ອມທັງໃຫ້ຮູ້ວ່າ: ຈະເພີ່ມທະວີການແລກປ່ຽນຄະນະຜູ້ແທນຂັ້ນສູງ ລະຫວ່າງສອງປະເທດ, ສືບຕໍ່ແລກປ່ຽນຄະນະຜູ້ແທນຂັ້ນສູງ. ທ່ານນາຍົກລັດຖະມົນຕີ ຖືວ່າ ຄວາມສາມາດບົ່ມຊ້ອນໃນການຮ່ວມມື ລະຫວ່າງ ສອງປະເທດຍັງມີຫຼາຍຢູ່ ແລະ ລັດຖະບານສອງປະເທດຈະເອົາໃຈໃສ່ ເພື່ອໃຫ້ການພົວພັນຮ່ວມມືແໜ້ນແຟ້ນ ແລະ ມີປະສິດທິຜົນກວ່າ. ທ່ານນາຍົກລັດຖະມົນຕີ ສະເໜີ ອີຕາລີ ຊ່ວຍເຫຼືອ ຫວຽດນາມ ໃນຂົງເຂດກໍ່ສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ, ໃນນັ້ນມີຂົງເຂດຊ໋ອບແວ; ເປີດກວ້າງການຮ່ວມມືໃນຫຼາຍຂົງເຂດອື່ນ ທີ່ທັງສອງຝ່າຍມີຄວາມສົນໃຈ. ສ່ວນ ທ່ານ ນາງ Cecllia Piccioni ໃຫ້ຮູ້ວ່າ: ໃນຊຸມປີມໍ່ມານີ້, ການນຳຂັ້ນສູງ ອີຕາລີ ຍາມໃດກໍ່ຢືນຢັນ ຫວຽດນາມ ເປັນຄູ່ຮ່ວມມືທີ່ສຳຄັນ.