ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ພ້ອມກັບ
ທ່ານປະທານາທິບໍດີ ແລະ ນາຍົກລັດຖະມົນຕີ ໄຮຕີ
ພາບ:chinhphu.vn
|
(vovworld)- ຕອນຄຳ່ວັນທີ 28/3, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ແລະ ຄະນະຜູ້ແທນຫວຽດນາມ ໄດ້ເດີນທາງອອກຈາກນະຄອນຫລວງ Port-au-Primce, ປະເທດ ໄຮຕີ ກັບຄືນເມືອປະເທດສິ້ນສຸດການຢ້ຽມຢາມ ໄຮຕີ ແລະ ເຂົ້າຮ່ວມກອງປະຊຸມສຸດຍອດຄວາມໝັ້ນຄົງປອດໄພ ນິວເຄຼຍຢ່າງຈົບງາມ. ກ່ອນຫນ້ານັ້ນ, ໃນການຢ້ຽມຢາມ ໄຮຕີ ຕາມຄຳເຊີນຂອງນາຍົກລັດຖະມົນຕີ ໄຮຕີ Michel Martelly , ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ພົບປະ, ເຈລະຈາກັບການນຳ ໄຮຕີ. ເມື່ອພົບປະແລກປ່ຽນຄຳເຫັນກັບປະທານາທິບໍດີ ໄຮຕີ Michel Martelly, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ຢືນຢັນ: ຫວຽດນາມ ຖືເປັນສຳຄັນ ແລະ ປາດຖະຫນາຢາກເປີດກວ້າງ, ເຮັດໃຫ້ການພົວພັນຮ່ວມມືກັບ ໄຮຕີ ເລີກເຊິ່ງ, ກວ້າງຂວາງກວ່າ. ສ່ວນປະທານາທິບໍດີ ໄຮຕີ Michel Martelly ຢືນຢັນ: ໄຮຕີ ປາດຖະຫນາຢາກຊຸກຍູ້ການພົວພັນກັບຫວຽດນາມ. ພາຍຫລັງການພົບປະແລກປ່ຽນຄຳເຫັນກັບປະທານາທິບໍດີ ໄຮຕີ, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ເຈລະຈາກັບນາຍົກລັດຖະມົນຕີ ໄຮຕີ Laurent Lamothe. ນາຍົກລັດຖະມົນຕີທັງສອງທ່ານ ໄດ້ແລກປ່ຽນ ແລະ ເປັນເອກະພາບບັນດາມາດຕະການ ເພື່ອພັດທະນາການພົວພັນສອງຝ່າຍໃນໄລຍະຈະມາເຖິງກວ່າອີກ, ຊຸກຍູ້ການສ້າງຕັ້ງຄະນະກຳມະການປະສົມກ່ຽວກັບດ້ານການຄ້າ ແລະ ການລົງທຶນລະຫວ່າງສອງປະເທດໂດຍໄວ, ພັດທະນາ ແລະ ເປີດກວ້າງການຮ່ວມມືໃນບັນດາຂົງເຂດທີ່ມີຄວາມສາມາດບົ່ມຊອ້ນຫລາຍຢ່າງຄື: ໂທລະຄົມມະນາຄົມ, ກະສິກຳ, ພະລັງງານ, ກໍ່ສ້າງ, ການຄ້າ…ພາຍຫລັງການເຈລະຈາ, ນາຍົກລັດຖະມົນຕີທັງສອງທ່ານ ໄດ້ລົງນາມໃນຖະແຫລງການຮ່ວມຂັ້ນສູງ ຫວຽດນາມ - ໄຮຕີ ແລະ ພ້ອມກັນເປັນສັກຂິພິຍານພິທີລົງນາມໃນບົດບັນທຶກຄວາມເຂົ້າໃຈກ່ຽວກັບພະລັງງານລະຫວ່າງສອງປະເທດ.