ໃນຈົດໝາຍ ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ ການແກ້ໄຂສະພາບມົນລະພິດສິ່ງແວດລ້ອມ ຍ້ອນສິ່ງເສດເຫຼືອພຣາດສະຕິກກໍ່ຂຶ້ນ ແມ່ນໜ້າທີ່ອັນຮີບດ່ວນ, ຮຽກຮ້ອງຕ້ອງມີການປະຕິບັດເປັນປະຈໍາ, ມີການເຂົ້າຮ່ວມຂອງຂະແໜງການຂັ້ນຕ່າງໆ ແລະ ຂອງທົ່ວສັງຄົມ.  ທ່ານນາຍົກລັດຖະມົນຕີຮຽກຮ້ອງໃຫ້ປະຊາຊົນ ຫວຽດນາມ ທຸກຄົນ ຈົ່ງຮ່ວມແຮງຮ່ວມໃຈກັນມີການກະທໍາແກ້ໄຂບັນຫາສິ່ງເສດເຫຼືອພຣາດສະຕິກ. ແຕ່ລະອົງການ, ຫົວໜ່ວຍໃນທັງລະບົບການເມືອງ, ປະຊາຄົມວິສາຫະກິດ ແລະ ປະຊາຊົນ ຄວນປະຕິບັດວຽກງານໂຄສະນາເຜີຍແຜ່ເປັນຢ່າງດີ, ຍົກສູງໜ້າທີ່ຄວາມຮັບຜິດຊອບ, ປຸກລະດົມບັນດາຂະບວນການ, ສ້າງຕັ້ງ, ທະວີຄູນບັນດາຮູບແບບ, ສະເໜີບັນດາຂໍ້ລິເລີ່ມ ແລະ ຕັ້ງໜ້າເຂົ້າຮ່ວມ ຜ່ານບັນດາການກະທໍາລະອຽດ; ຍ້ອງຍໍ, ຊົມເຊີຍ ບັນດາແບບຢ່າງດີເດັ່ນກ້າວໜ້າ, ຮູບແບບທີ່ດີ, ວິທີີເຮັດທີ່ດີ ແລະ ຂໍ້ລິເລີ່ມທີ່ມີຄຸນຄ່າ.