(vovworld) - ຕອນຄຳ່ມື້ວັນທີ 22/10, ທ່ານນາຍົກລັດຖະມົນຕີອິນເດຍ Manmohan Singh ໄດ້ໄປຮອດນະຄອນຫຼວງບັກກິງ, ເລິ່ມຕົ້ນການຢ້ຽມຢາມຈີນຢ່າງເປັນທາງການໃນເວລາສາມວັນ . ຄາດວ່າ,ຜູ້ນຳອິນເດຍຈະມີການພົບປະກັບທ່ານປະທານປະເທດຈີນ ສີຈິ້ນຜິງ ແລະທ່ານປະທານຄະນະປະຈຳສະພາຜູ້ແທນປະຊາຊົນແຫ່ງຊາດຈີນ ຈາງຕືແຈງ, ພົບປະເຈລະຈາກັບທ່ານນາຍົກລັດຖະມົນຕີຈີນ ຫລີເຄີຊຽນ. ນອກຈາກນັ້ນ, ທ່ານນາຍົກລັດຖະມົນຕີ Singh ຈະມີບົດກ່າວປາໄສຢູ່ໂຮງຮຽນພັກສູນກາງຂອງພັກຄອມມູນິດຈີນ.
ນີ້ແມ່ນການຢ້ຽມຢາມຂັ້ນສູງສຳຄັນເທື່ຶອທີສອງລະຫວ່າງສອງປະເທດຫຼັງຈາກການຢ້ຽມຢາມອິນເດຍຂອງທ່ານນາຍົກລັດຖະມົນຕີຈີນຫລີເຄີຊຽນໃນເດືອນ 5 ຜ່ານມາແລະກໍ່ເປັນເທື່ອທຳອິດນັບຕັ້ງແຕ່ປີ 1954 ເປັນຕົ້ນມາ, ທ່ານນາຍົກລັດຖະມົນຕີຂອງທັງສອງປະເທດໄດ້ໄປມາຢ້ຽມຢາມເຊິ່ງກັນແລະກັນໃນປີດຽວ, ມີຄວາມໝາຍສຳຄັນໃນການເຮັດໃຫ້ສາຍພົວພັນຄູ່ຮ່ວມມືພົວພັນຍຸດທະສາດສອງຝ່າຍເລິກເຊິ່ງຂຶ້ນຕື່ມໃນສະຖານະການໃນພາກພື້ນອາຊີ - ປາຊີຟິກ ພວມມີການຫັນປ່ຽນຢ່າງໃຫຍ່ຫຼວງກ່ຽວກັບນະໂຍບາຍຫັນປ່ຽນດ້ານການປ້ອງກັນຄວາມສະຫງົບຂອງອະເມລິກາ.