( vovworld ) - ຕອນຄໍ່າວັນທີ 31/7, ຕາມເວລາມົດສະກູ, ທ່ານປະທານປະເທດຫວຽດນາມ Truong Tan Sang ແລະ ຄະນະປະຕິບັດງານຂັ້ນສູງຫວຽດນາມ ໄດ້ເດີນທາງອອກຈາກນະຄອນຫຼວງມົດສະກູ ກັບເມືອຮ່າໂນ້ຍ, ສິ້ນສຸດການຢ້ຽມຢາມສັນຖະວະໄມຕີສະຫະພັນລັດເຊຍ ຢ່າງຈົບງາມ ຕາມຄຳເຊື້ອເຊີນຂອງທ່ານປະທານາທິບໍດີລັດເຊຍ Vladimia Putin. ກ່ອນໜ້ານັ້ນ, ຕອນບ່າຍວັນທີ 30/7, ທ່ານປະທານປະເທດ Truong Tan Sang ໄດ້ມີການພົບປະກັບສະມາຊິກສະພາມະຫາບັນດິດລັດເຊຍ ແລະ ຢ້ຽມຢາມກຸ່ມບໍລິສັດອາຍແກັດ Gasprom.
ທີ່ການພົບປະກັບກັບທ່ານ Oxipov ສະມາຊິກ, ປະທານ ສະພາມະຫາບັນດິດ ວິທະຍາສາດພ້ອມກັບບັນດານັກວິທະຍາສາດຂອງລັດເຊຍ, ທ່ານປະທານປະເທດ Truong Tan Sang ຫວັງວ່າ, ບັນດານັກວິທະຍາສາດລັດເຊຍ ຈະໃຫ້ການຊ່ວຍເຫຼືອຫວຽດນາມ ໃນການບຳລຸງສ້າງແຫຼ່ງຊັບພະຍາກອນມະນຸດ, ຮ່ວມມືສຳຫຼວດຊັບພະຍາກອນແຮ່ທາດ, ສິນທະເລ ເພື່ອຮັບໃຊ້ໃຫ້ການຄົ້ນຄວ້າກ່ຽວກັບຊີວະນາໆາພັນ ແລະ ຂຸດຄົ້ນແຫຼ່ງຊັບພະຍາກອນຢ່າງເໝາະສົມ. ເປັນສັກຂີພິຍານພິທີລົງນາມໃນຂໍ້ຕົກລົງຮ່ວມມືລະຫວ່າງສະຖາບັນວິທະຍາສາດທຳມະຊາດ ແລະ ເຕັກໂນໂລຊີຫວຽດນາມ ແລະ ສະພາມະຫາບັນດິດວິທະຍາສາດລັດເຊຍໄລຍະ 2012 – 2017, ທ່ານປະທານປະເທດໄດ້ເນັ້ນໜັກວ່າ, ການເຄື່ອນໄຫວນີ້ຈະເປີດບັນດາທິດຮ່ວມມືຢ່າງເລິກເຊິ່ງກວ້າງຂວາງລະຫວ່າງພື້ນຖານວິທະຍາສາດສຳຄັນຂອງສອງປະເທດ. ເນື່ອງໃນໂອກາດນີ້, ທ່ານປະທານປະເທດໄດ້ມອບນາມມະຍົດປະລິຍາເອກກິມະສັກໃຫ້ປະທານ ສະພາມະຫາບັນດິດວິທະຍາສາດລັດເຊຍ Oxipov, ຜູ້ທີ່ມີການປະກອບສ່ວນຫຼາຍຢ່າງໃຫ້ແກ່ພື້ນຖານວິທະຍາສາດລັດເຊຍ ແລະ ຕິດພັນກັບຫວຽດນາມ.
ແລະກໍໃນຕອນບ່າຍວັນດຽວກັນ, ທ່ານປະທານປະເທດ Truong Tan Sang ໄດ້ໄປຢ້ຽມຢາມກຸ່ມບໍລິສັດອາຍແກັດ Gazprom. ນີ້ແມ່ນກຸ່ບໍລິສັດໃຫຍ່ທີ່ສຸດໃນໂລກ ແລະ ແມ່ນຄູ່ຮ່ວມມືຍຸດທະສາດຂອງ Petrovietnam. ນະທີ່ນີ້, ທ່ານປະທານປະເທດໄດ້ເປັນສັກຂີພິຍານພິທີລົງນາມໃນບົດບັນທຶກຊ່ວຍຈຳກ່ຽວກັບເລື່ອງ Gazprom ສະໜອງອາຍແກັດໃຫ້ແກ່ກຸ່ມບໍລິສັດນ້ຳມັນອາຍແກັດຫວຽດນາມ.