ທ່ານປະທານປະເທດຫວຽດນາມ Truong Tan Sang ລັ່ນຄ້ອງ
ໄຂສົກຮຽນໃຫມ່
ພາບ: internet
|
(vovworld) - ວັນທີ 14/9, ທ່ານປະທານປະເທດຫວຽດນາມ Truong Tan Sang ໄດ້ເຂົ້າຮ່ວມພິທີໄຂສົກຮຽນໃຫມ່ຂອງມະຫາວິທະຍາໄລວິທະຍາສາດສັງຄົມ ແລະ ວັດທະນະທຳມະນຸດ (ມະຫາວິທະຍາໄລແຫ່ງຊາດ ຮ່າໂນ້ຍ). ທ່ານປະທານປະເທດ ໄດ້ອວຍພອນບັນດາສາສະດາຈານ, ຄູອາຈານ, ນັກຮຽນເນື່ອງໃນໂອກາດສົກຮຽນໃຫມ່ ແລະ ເນັ້ນຫນັກວ່າ: ຂະແຫນງວິທະຍາສາດຄົ້ນຄ້ວາການເຄື່ອນເຫນັງຂອງປະຫວັດສາດ, ການພົວພັນ ແລະ ອົງປະກອບສັງຄົມ, ບັນດາຄຸນຄ່າວັດທະນະທຳ, ສີສັນຊາດ ແລະ ສິ່ງຍອດຍິ່ງຂອງວັດທະນະທຳໂລກ, ວິທະຍາສາດສັງຄົມ ແລະ ວັດທະນະທຳມະນຸດແມ່ນແບກຫາບຫນ້າທີ່ສຳຄັນໃນການສຶກສາແນວຄິດ, ນ້ຳໃຈຮັກຊາດ, ຄວາມເອກອ້າງທະນົງໃຈ, ສ້າງບັນດາການພົວພັນໃນສັງຄົມ, ຄຸນສົມບັດ, ແບບແຜນການດຳລົງຊີວິດ, ບຸກຄະລີກກະພາບຂອງຊາວ ຫວຽດນາມ. ທ່ານປະທານປະເທດ Truong Tan Sang ຖືວ່າ: ດ້ວຍມູນເຊື້ອແຫ່ງການສຶກສາ, ໂຮງຮຽນຄວນສືບຕໍ່ປ່ຽນໃຫມ່ຫລັກສູດ, ເນື້ອໃນວິທິສິດສອນ, ເສີມຂະຫຍາຍລັກສະນະຕັ້ງຫນ້າ ມີຫົວຄິດປະດິດສ້າງໃນການຮຳ່ຮຽນ, ຕາມການກຳນົດທິດປ່ຽນໃຫມ່ການສຶກສາຢ່າງຮອບດ້ານ.