ທ່ານ Kim Yong Nam
ພາບ:AP
|
(vovworld) - ໂດຍໄດ້ຮັບຄຳເຊື້ອເຊີນຈາກປະທານປະເທດ ຫວຽດນາມ Truong Tan Sang, ທ່ານ Kim Yong Nam ປະທານຄະນະປະຈຳສະພາແຫ່ງຊາດສາທາລະນະລັດ ປະຊາຊົນປະຊາທິປະໄຕເກົາຫລີ (ສປປເກົາຫລີ) ໄດ້ເດີນທາງມາຢ້ຽມຢາມ ຫວຽດນາມ ຢ່າງເປັນທາງການແຕ່ວັນທີ 5 -7/8. ຕອນບ່າຍ ວັນທີ 6/8 ພິທີຕ້ອນຮັບທ່ານ Kim Yong Nam ຈັດຂຶ້ນຢ່າງສົມກຽດຢູ່ສຳນັກງານປະທານປະເທດ. ທ່ານ ປະທານປະເທດ ຫວຽດນາມ Truong Tan Sangໄດ້ມີການເຈລະຈາກັບ ທ່ານ Kim Yong Nam ປະທານຄະນະປະຈຳສະພາແຫ່ງຊາດສປປເກົາຫລີ. ສອງຝ່າຍໄດ້ຢືນຢັນຖືການພົວພັນລະຫວ່າງສອງປະເທດເປັນສຳຄັນ ແລະ ປາດຖະຫນາຈະປັບປຸງ ແລະ ພັດທະນາການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດຢ່າງບໍ່ຢຸດຢັ້ງ ຕອບສະຫນອງຄວາມຸ່ງມາດປາດຖະຫນາ ແລະ ຜົນປະໂຫຍດຂອງປະຊາຊົນສອງປະເທດ. ສອງຝ່າຍເຫັນດີຮັກສາການຢ້ຽມຢາມ ແລະ ພົບປະລະຫວ່າງການນຳຂັ້ນສູງສອງປະເທດ, ແລກປ່ຽນຄະນະຜູ້ແທນທຸກຂັ້ນ, ບັນດາຂະແຫນງການ ແລະ ທ້ອງຖິ່ນຕ່າງໆ. ສອງຝ່າຍໄດ້ເຫັນດີເປັນເອກະພາບເພີ່ມທະວີການຮ່ວມມືໃນຂົງເຂດກະສິກຳ, ວັດທະນະທຳ, ສິລະປະ, ກິລາກາຍະກຳ, ການສຶກສາບຳລຸງສ້າງ ແລະ ການພົບປະແລກປ່ຽນລະຫວ່າງປະຊາຊົນ. ກ່ຽວກັບບັນຫາສກົນ ແລະ ພາກພື້ນ, ສອງຝ່າຍເຫັນດີເປັນເອກະພາບສືບຕໍ່ຮັກສາການປະສານສົມທົບຢ່າງແຫນ້ນແຟ້ນໃນບັນດາເວທີປາໄສສາກົນ ແລະ ພາກພື້ນຄື: ARF, ຂະບວນການບໍ່ຮ່ວມກຸ່ມ; ເພີ່ມທະວີການແລກປ່ຽນກ່ຽວກັບບັນດາບັນຫາທີ່ສອງຝ່າຍມີຄວາມສົນໃຈ. ກ່ຽວກັບບັນຫາຢູ່ໃນແຫລມເກົາຫລີ, ທ່ານປະທານປະເທດ ຫວຽດນາມ Truong Tan Sang ຢືນຢັນວ່າ: ຫວຽດນາມ ມີຄວາມສະເໝີຕົ້ນສະເໝີປາຍໃນການສະຫນັບສະຫນູນແຫລມເກົາຫລີ, ສ້າງສັນຕິພາບ, ສະຖຽນລະພາບ ແລະ ປອດອາວຸດນີວເຄຼຍ. ຫວຽດນາມ ຫວັງວ່າ ບັນດາຝ່າຍທີ່ກ່ຽວຂ້ອງຈະເສີມຂະຫຍາຍລັກສະນະມີໄຫວພິບ, ຄວາມມານະພະຍາຍາມຊຸກຍູ້ການເຈລະຈາ ແລະ ມີການເຄື່ອນໄຫວທີ່ແທດຈິງເພື່ອຊຸກຍູ້ວິວັດທະນາການປອດນິວເຄຼຍໃນແຫລມເກົາຫລີ.
ກ່ຽວກັບບັນຫາທະເລຕາເວັນອອກ, ທ່ານປະທານ Kim Yong Nam ສະແດງການສະຫນັບສະຫນູນການແກ້ໄຂການພິພາດ ແລະ ບັນຫາເກິດຂຶ້ນໂດຍສັນຕິວິທີ ເພື່ອເພີ່ມທະວີການພົວພັນມິດຕະພາບລະຫວ່າງບັນດາປະເທດ ແລະ ຮັບປະກັນສັນຕິພາບ, ສະຖຽນລະພາບໃນພາກພື້ນ.