ທ່ານປະທານປະເທດ ຫງວຽນຊວັນຟຸກ ຕີລາຄາສູງຄວາມມານະພະຍາມຂອງກອງທັບໃນການຊ່ວຍປະຊາຊົນປ້ອງກັນ, ຕ້ານໂລກລະບາດໂຄວິດ - 19
(VOVWORLD) -ທີ່ກອງປະຊຸມ, ທ່ານປະທານປະເທດ ຫງວຽນຊວັນຟຸກ ໄດ້ຕີລາຄາສູງກຳລັງກອງທັບ ຍາມໃດກໍ່ຮັກສາລະບົບກຽມພ້ອມການສູ້ຮົບຢ່າງເຂັ້ມງວດ, ເສີມຂະຫຍາຍບົດບາດຫຼັກແຫຼ່ງແກ່ນສານໃນການປ້ອງກັນ, ຕ້ານ, ແກ້ໄຂຜົນຕາມມາ ຈາກໄພທຳມະຊາດ, ການຊອກຫາ, ກູ້ເອົາກູ້ຊີບ.
 ບັນດາຜູ້ແທນເຂົ້າຮ່ວມກອງປະຊຸມ (ພາບ: VOV) |
ຕອນເຊົ້າວັນທີ 20 ທັນວາ, ຢູ່ຮ່າໂນ້ຍ, ທ່ານປະທານປະເທດ ຫວຽດນາມ ຫງວຽນຊວັນຟຸກ, ປະທານສະພາປ້ອງກັນຊາດ - ປ້ອງກັນຄວາມສະຫງົບ, ຜູ້ບັນຊາການບັນດາກຳລັງປະກອບອາວຸດປະຊາຊົນ, ໄດ້ເຂົ້າຮ່ວມ ແລະ ກ່າວຄຳເຫັນຊີ້ນຳຢູ່ກອງປະຊຸມການທະຫານ ແລະ ການເມືອງທົ່ວປະເທດປີ 2021. ກອງປະຊຸມໄດ້ດຳເນີນຕາມຮູບແບບທາງໄກ ຢູ່ ສະຖານທີ່ເຊື່ອມຕໍ່ 141 ແຫ່ງໃນທົ່ວກອງທັບ.
ທີ່ກອງປະຊຸມ, ທ່ານປະທານປະເທດ ຫງວຽນຊວັນຟຸກ ໄດ້ຕີລາຄາສູງກຳລັງກອງທັບ ຍາມໃດກໍ່ຮັກສາລະບົບກຽມພ້ອມການສູ້ຮົບຢ່າງເຂັ້ມງວດ, ເສີມຂະຫຍາຍບົດບາດຫຼັກແຫຼ່ງແກ່ນສານໃນການປ້ອງກັນ, ຕ້ານ, ແກ້ໄຂຜົນຕາມມາ ຈາກໄພທຳມະຊາດ, ການຊອກຫາ, ກູ້ເອົາກູ້ຊີບ. ພິເສດ, ກອງປະຊຸມການປ້ອງກັນຊາດ ແລະ ປ້ອງກັນຄວາມສະຫງົບ ໄດ້ຕີລາຄາສູງບົດບາດນຳພາຂອງກອງທັບໃນການປ້ອງກັນ, ຕ້ານໂລກລະບາດໂຄວິດ - 19, ເປັນຕົ້ນແມ່ນຢູ່ບັນດາແຂວງທາງພາກໃຕ້ ແລະ ນະຄອນໂຮ່ຈີມິນ. ຮູບພາບກອງທັບຊ່ວຍເຫຼືອປະຊາຊົນຕ້ານໂລກລະບາດໄດ້ຈາລຶກຢູ່ໃນໃຈຂອງປະຊາຊົນ.