ທ່ານປະທານປະເທດ ຫງວຽນຊວັນຟຸກ ຕ້ອນຮັບເອກອັກຄະລັດຖະທູດບັນດາປະເທດເຂົ້າຍື່ນສານຕາຕັ້ງ
(VOVWORLD) -ຕອນບ່າຍວັນທີ 23 ທັນວາ, ຢູ່ທຳນຽບປະທານປະເທດ, ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດບັນດາປະເທດ ມົງໂກນ, ນິເຊເຣຍ, Timor Leste, ອານເຊຣີ ເຂົ້າຍື່ນສານຕາຕັ້ງ.
 ທ່ານປະທານປະເທດ ຫວຽດນາມ ຫງວຽນຊວັນຟຸກ ຕ້ອນຮັບທ່ານເອກອັກຄະລັດຖະທູດ ມົງໂກນ Jigjee Sereejav (ພາບ: TTXVN) |
ທີ່ການຕ້ອນຮັບ, ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ສະແດງຄວາມປິຕິຊົມຊື່ນຕໍ່ເອກອັກຄະລັດຖະທູດທຸກທ່ານທີ່ໄດ້ຮັບການແຕ່ງຕັ້ງມາປະຕິບັດໜ້າທີ່ທາງການທູດຢູ່ ຫວຽດນາມ ໃນຄັ້ງນີ້, ພ້ອມທັງຫວັງວ່າ ໃນອາຍຸການນີ້, ບັນດາທ່ານເອກອັກຄະລັດຖະທູດຈະມີການເຄື່ອນໄຫວທີ່ແທດຈິງ, ມີປະສິດທິຜົນ, ປະກອບສ່ວນຊຸກຍູ້ການພົວພັນສອງຝ່າຍລະຫວ່າງ ຫວຽດນາມ ກັບບັນດາປະເທດພັດທະນາ.
ເອກອັກຄະລັດຖະທູດແຕ່ລະທ່ານຕ່າງກໍສະແດງຄວາມເປັນກຽດເປັນຢ່າງຍິງທີ່ໄດ້ມາປະຕິບັດໜ້າທີ່ຢູ່ ຫວຽດນາມ ແລະ ຢັ້ງຢືນວ່າ ຈະມານະພະຍາຍາມຈົດສຸດຄວາມສາມາດຂອງຕົນເພື່ອເພີ່ມທະວີການພົວພັນລະຫວ່າງສອງປະເທດໃນຫຼາຍຂົງເຂດ, ໂດຍສະເພາະແມ່ນຂົງເຂດເສດຖະກິດ, ຊຸກຍູ້ການພົວພັນແລກປ່ຽນປະຊາຊົນ. ພ້ອມທັງຫວັງວ່າ ໃນໄລຍະປະຕິບັດງານຢູ່ຫວຽດນາມ ຈະໄດ້ຮັບການຊ່ວຍເຫຼືອຈາກອົງການທີ່ມີບົດບາດຫນ້າທີ່ຂອງ ຫວຽດນາມ.