ທ່ານເອກອັກຄະລັດຖະທູດ ກູບາ  Rogelio Polanco ຍື່ນສານຕາຕັ້ງເຖິງ ທ່ານປະທານປະເທດ ເລືອງເກື່ອງ. (ພາບ: VOV)

ເມື່ອຕ້ອນຮັບເອກອັກຄະລັດຖະທູດ ກູບາ, ທ່ານປະທານປະເທດ ສະເຫນີ ທ່ານເອກອັກຄະລັດຖະທູດ Rogelio Polanco ເປັນຂົວຕໍ່ສົມທົບລະຫວ່າງສອງຝ່າຍ ເພື່ອຜັນຂະຫຍາຍບັນດາຄຳໝັ້ນສັນຍາ,ຂໍ້ຕົກລົງຂອງການນຳຂັ້ນສູງ, ບັນດາໂຄງການຮ່ວມມື ລະຫວ່າງສອງປະເທດ, ພິເສດ ແມ່ນ ກະສິກຳ, ພະລັງງານ, ເປີດກວ້າງການຮ່ວມມືໃນບັນດາຂົງເຂດມີຄວາມສາມາດບົ່ມຊ້ອນ. ທ່ານປະທານປະເທດ ມີຄວາມເຫັນດີກັບທ່ານເອກອັກຄະລັດຖະທູດ ກ່ຽວກັບການເພີ່ມທະວີການສົມທົບ,ການຮ່ວມມື ແລະສະຫນັບສະຫນູນເຊິ່ງກັນ ແລະກັນ ຢູ່ ບັນດາອົງການສາກົນ, ເວທີປາໄສຫລາຍຝ່າຍ ແລະ ຢືນຢັນຄືນ ຫລັກໝັ້ນສະເຫມີຕົ້ນສະເຫມີປາຍຂອງ ຫວຽດນາມ  ແມ່ນຮຽກຮ້ອງ ອາເມລິກາ ຍົກເລີກຄຳສັ່ງຂວ້ຳມບາດຕ້ານກູບາ ແລະນຳກູບາ ອອກຈາກບັນດາຊີລາຍຊື່ບັນດາປະເທດອຸປະຖຳກໍ່ການຮ້າຍຊື່ງ ອາເມລິກາ ຈັດວາງຕາມລຳພັງຝ່າຍດຽວ.

ເອກອັກຄະລັດຖະທູດ  Bolivia  Hugo Jose Siles Nunez de Prado ຍື່ນສານຕາຕັ້ງເຖິງທ່ານປະທານປະເທດ ເລືອງເກື່ອງ. (ພາບ: VOV)

ທີ່ການຕ້ອນຮັບທ່ານ Constance Chemwayi ເອກອັກຄະລັດຖະທູດ Zimbabwe,  ແລະ ທ່ານ Hugo Jose Siles Nunez de Prado, ເອກອັກຄະລັດຖະທູດ  Bolivia, ທ່ານປະທານປະເທດ ຊີ້ແຈ້ງວ່າ: ຫວຽດນາມ, Zimbabwe,  ແລະ Bolivia, ແມ່ນບັນດາປະເທດ ພວມພັດທະນາ, ມີຫລາຍຄວາມສາມາດບົ່ມຊ້ອນເພື່ອຊຸກຍູ້ການຮ່ວມມື, ນຳການພົວພັນຂຶ້ນສູ່ລະດັບສູງໃຫມ່; ຫວຽດນາມ ແລະ Zimbabwe ແລະ Bolivia ມີຫລາຍຈຸດຄ້າຍຄືກັນໃນວິວັດການພັດທະນາ, ແບ່ງປັນຫລາຍບັນຫາລວມກ່ຽວກັບຫລາຍບັນຫາສາກົນ, ເຊື່ອໝັ້ນວ່າ ສອງຝ່າຍພ້ອມກັນຮ່ວມມື, ສົມທົບກັນຢ່າງແຫນ້ນແຟ້ນໃນບັນດາເວທີປາໄສຫລາຍຝ່າຍ ເປັນຕົ້ນແມ່ນໃນຂອບເຂດ ສະຫະປະຊາຊາດ.