ຄະນະນັກຮຽນຫວຽດນາມ ເຂົ້າຮ່ວມການສອບເສັງ
Olympic ເລກຄະນິດສາກົນ 2013
(ພາບ: truongtansang.net)
(vovworld) - ຄະນະນັກຮຽນຫວຽດນາມ ເຂົ້າຮ່ວມການສອບເສັງ Olympic ເລກຄະນິດສາກົນ 2013 ໄດ້ຮັບຜົນງານສູງ ດ້ວຍ 3 ຫຼຽນຄຳ ແລະ 3 ຫຼຽນເງິນ, ຖືກຈັດອັນດັບທີ 7. ເນື່ອງໃນໂອກາດນີ້, ທ່ານປະທານປະເທດ ເຈືອງເຕີນຊາງ ໄດ້ຟາກຈົດໝາຍຍ້ອງຍໍບັນດານັກຮຽນ. ໃນຈົດໝາຍ, ທ່ານປະທານປະເທດ ຢືນຢັນວ່າ: ບັນດາຜົນງານຂອງນັກຮຽນຫວຽດນາມ ໃນການສອບເສັງສາກົນຄັ້ງຕ່າງໆໄດ້ສະແດງໃຫ້ເຫັນພູມປັນຍາຈິນຕະນາການຂອງຊາດຫວຽດນາມ, ເຊິ່ງແມ່ນໜຶ່ງໃນບັນດາປັດໃຈແກ່ນສານເພື່ອນຳຫວຽດນາມ ບືນຕົວຂຶ້ນທຽບທັນກັບບັນດາປະເທດມະຫາອຳນາດຢູ່ໃນໂລກຢ່າງຈະແຈ້ງ. ທ່ານປະທານປະເທດ ປາດຖະໜາວ່າ, ລຸ້ນນັກຮຽນຫວຽດນາມ ລຸ້ນຕ່າງໆຈະເສີມຂະຫຍາຍມູນເຊື້ອມັກຮຽນຂອງຊາດກວ່າອີກ, ຮູ້ຂຸດຄົ້ນພູມປັນຍາຂອງມະນຸດ, ເພີ່ມກຳລັງຄວາມສາມາດພູມປັນຍາຂອງຕົນເພື່ອສືບທອດບັນດາລຸ່ນພໍລຸ່ນອ້າຍ, ປະຕິບັດການຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝຢ່າງມີໄຊ, ສ້າງສາປະເທດຊາດໃຫ້ຮັ່ງມີ, ສວຍງາມ ແລະ ປົກປັກຮັກສາປະເທດຊາດຢ່າງໝັ້ນຄົງ.