(vovworld) - ຕອນເຊົ້າວັນທີ 08/01, ທ່ານປະທານປະເທດ ເຈືອງເຕີນຊາງ ພ້ອມກັບຄະນະປະຕິບັດງານຄະນະຊີ້ນຳການສ້າງແຜນຮ່າງ “ສືບຕໍ່ປ່ຽນໃໝ່, ປັບປຸງລະບົບການເມືອງຈາກຂັ້ນສູນກາງ ລົງຮອດຂັ້ນຮາກຖານ” ໄດ້ລົງເຮັດວຽກຢູ່ຕາແສງ ອານຫາຍບັກ, ເມືອງ ເຊີນຈ່າ, ນະຄອນດານັ້ງ, ເພື່ອກວດກາສະພາບການປະຕິບັດມະຕິສູນກາງທີ 5, ຊຸດທີ 9 ກ່ຽວກັບ “ການປ່ຽນໃໝ່ ແລະ ຍົກສູງຄຸນນະພາບລະບົບການເມືອງຂັ້ນຮາກຖານ, ຕາແສງ, ເທດສະບາງນ”. ຕາມບົດລາຍງານຂອງການນຳທ້ອງຖິ່ນແລ້ວ; ຜ່ານ 3 ປີແຫ່ງການປະຕິບັດທົດລອງ ບໍ່ຈັດຕັ້ງສະພາປະຊາຊົນຂັ້ນຕາແສງ ຢູ່ຕາແສງອານຫາຍບັກ, ລະບົບການເມືອງຢູ່ທ້ອງຖິ່ນກະທັດລັດກວ່າ, ວຽກງານຄຸ້ມຄອງ, ບໍລິຫານການພັດທະນາເສດຖະກິດສົງຄົມຂອງຄະນະກຳມະການປະຊາຊົນຕາແສງຍັງທະລຸລ່ວງ, ເປັນເຈົ້າການກວ່າ. ແນວໂຮມ ແລະ ບັນດາອົງການຈັດຕັ້ງສັງຄົມໄດ້ຫັນປ່ຽນດ້ານເນື້ອໃນ ແລະ ວິທີການເຄື່ອນໄຫວເທື່ອລະກ້າວ. ກ່າວຄຳເຫັນທີ່ການເຮັດວຽກ, ທ່ານປະທານປະເທດ ເຈືອງເຕີນຊາງ ໄດ້ຕີລາຄາສູງໝາກຜົນການປະຕິບັດມະຕິສູນກາງທີ 5 ຊຸດທີ 9 ໃນທົ່ວປະເທດເວົ້າລວມ ແລະ ຂອງຕາແສງ ອານຫານບັກ, ເມືອງ ເຊີນຈ່າ, ນະຄອນດານັ້ງ ເວົ້າສະເພາະ. ທ່ານປະທານປະເທດໄດ້ເນັ້ນໜັກວ່າ ການປະຕິບັດມະຕິສູນກາງທີ 5 ໄດ້ຊ່ວຍປັບປຸງ ແລະ ຍົກສູງຄຸນນະພາບຖັນແຖວພະນັກງານ, ລັດຖະກອນເທື່ອລະກ້າວ.