ທ່ານປະທານປະເທດ ເຈືອງເຕີນຊາງ ເຂົ້າຮ່ວມກອງປະຊຸມຂອງສະຫະພັນໃຫຍ່ແຮງງານຫວຽດນາມ
(ພາບ: http://truongtansang.net/)
ກຳມະບານຕ້ອງປະກອບສ່ວນຢ່າງຕັ້ງໜ້າເຂົ້າໃນວຽກງານກໍ່ສ້າງພັກ, ກໍ່ສ້າງລັດໃຫ້ໂປງໄສ ເຂັ້ມແຂງ, ກຳມະບານຕ້ອງສ່ອງແສງຄວາມມຸ້ງມາດປາດຖະໜາຂອງກຳມະກອນຜູ້ອອກແຮງງານຢ່າງທັນການ ເພື່ອໃຫ້ພັກ, ລັດມີແຜນນະໂຍບາຍ, ກົນໄກ, ນະໂຍບາຍທີ່ເໝາະສົມ. ທ່ານປະທານປະເທດຫວຽດນາມ ເຈືອງເຕີນຊາງ ໄດ້ເນັ້ນໜັກຄືດັ່ງກ່າວທີ່ກອງປະຊຸມຄັ້ງທີ່ 8 ຄະນະບໍລິຫານງານ ສະຫະພັນໃຫຍ່ແຮງງານຫວຽດນາມເຊິ່ງໄດ້ຈັດຕັ້ງໃນວັນທີ 5/1 ຢູ່ຮ່າໂນ້ຍ. ທ່ານປະທານປະເທດ ເຈືອງເຕີນຊາງ ກໍ່ໄດ້ຍ້ອງຍໍສັນລະເສີນບັນດາຄວາມມານະພະຍາຍາມ ແລະ ການປະກອບສ່ວນຂອງກຳມະບານຫວຽດນາມເຂົ້າໃນຜົນສຳເລັດລວມຂອງປະເທດຊາດ.
ກອງປະຊຸມດັ່ງກ່າວ ເພື່ອແນໃສ່ຕີລາຄາໝາກຜົນການປະຕິບັດ ມະຕິກອງປະຊຸມໃຫຍ່ຄັ້ງທີ 10 ກຳມະບານຫວຽດນາມຂອງເຄິ່ງອາຍຸການ. ບັນດາບົດລາຍງານ, ບົດປະກອບຄຳເຫັນທີ່ກອງປະຊຸມໄດ້ເນັ້ນໜັກວ່າ: ໃນໄລຍະຜ່ານມາ, ອົງການກຳມະບານຂັ້ນຕ່າງໆ ໄດ້ມີການເຄື່ອນໄຫວທີ່ຫຼາຍຮູບຫຼາຍແບບ, ອຸດົມສົມບຸນ, ຕັ້ງໜ້າໃນການໂຄສະນາເຜີຍແຜ່, ຂົນຂວາຍ, ດຶງດູດກຳມະກອນ,ລັດຖະກອນຜູ້ອອກແຮງງານ ແລະ ອົງການກຳມະບານ, ປະກອບສ່ວນນຳແຜນນະໂຍບາຍ, ແນວທາງຂອງພັກ, ລັດ, ກົດໝາຍ ແລະ ນະໂຍບາຍຂອງລັດມາແນະນຳໃຫ້ກຳມະກອນ, ລັດຖະກອນ ຜູ້ອອກແຮງງານ.