ທ່ານປະທານປະເທດ ເຈືອງເຕີນຊາງ ເຂົ້າຮ່ວມພິທີລະນຶກ ວັນສ້າງຕັ້ງແຂວງ ກວາງນາມ ຄືນໃໝ່
ທ່ານປະທານປະເທດ ເຈືອງເຕີນຊາງ ໄດ້ມອບຫຼຽນໄຊ ໂຮຈີມິນ ໃຫ້ແກ່ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ກວາງນາມ
(ພາບ: http://truongtansang.net)
(vovworld) - ຕອນເຊົ້າວັນທີ 7/2, ຢູ່ນະຄອນຕາມກີ່, ແຂວງກວາງນາມ ໄດ້ຈັດຕັ້ງພິທີສະເຫຼີມສະຫຼອງ 15 ປີ ແຫ່ງວັນສ້າງຕັ້ງແຂວງຄືນໃໝ່. ກ່າວຄຳເຫັນນະທີ່ນີ້, ທ່ານປະທານປະເທດ ເຈືອງເຕີນຊາງ ໄດ້ຕັກເຕືອນແຂວງກວາງນາມ ຕ້ອງມານະພະຍາຍາມກ່ວາອີກ, ສົມທົບກັບ ນະຄອນດ່າໜັງ ແລະ ບັນດາເຂດຈຸດສຸມຂອງພາກກາງ ເພື່ອພັດທະນາຄວາມສາມາດບົ່ມຊ້ອນ, ທ່າໄດ້ປຽບກ່ວາອີກ, ທ່ານເວົ້າວ່າ:
“ແຂວງກວາງນາມຄວນພັດທະນາອຸດສາຫະກຳ, ການບໍລິການໂດຍໄວ, ແຕ່ຕ້ອງມີການຄັດເລືອກ. ສຸມໃສ່ເຂົ້າໃນການດຶງດູດການລົງທຶນພັດທະນາບັນດາຂະແໜງອຸດສາຫະກຳປຸງແຕ່ງ, ປະດິດແຕ່ງ, ອຸດສາຫະກຳເຕັກໂນໂລຢີທີ່ກ້າວໜ້າມີມູນຄ່າເພີ່ມສູງ, ກໍ່ມົນລະຜິດຕໍ່ສິ່ງແວດລ້ອມໜ້ອຍ, ພັດທະນາແຮງການທ່ອງທ່ຽວ, ວັດທະນະທຳປະຫວັດສາດ, ພັກຜ່ອນຢ່ອມອາລົມ, ການບໍລິການມີຄຸນນະພາບສູງ, ມູນຄ່າເພີ່ມສູງເຊິ່ງແຂວງມີຄວາມສາມາດບົ່ມຊ້ອນ ແລະ ທ່າໄດ້ປຽບຢ່າງແຮງ. ປະຕິບັດໂຄງການກໍ່ສ້າງຊົນນະບົດໃໝ່ເປັນຢ່າງດີ, ໃນນັ້ນຕ້ອງເສີມຂະຫຍາຍບົດບາດເປັນເຈົ້າ, ເປັນເຈົ້າການຂອງຊາວກະສິກອນໃນບົດບາດເສີມຂະຫຍາຍໂຄງການ”
ພ້ອມກັບການສຸມໃສ່ພັດທະນາເສດຖະກິດ, ທ່ານປະທານປະເທດ ເຈືອງເຕີນຊາງ ສະເໜີໃຫ້ທາງແຂວງ ກວາງນາມຕ້ອງສຸມໃສ່ປະຕິບັດໂຄງການລົບລ້າງຄວາມອິດຫິວ, ຫຼຸດຜ່ອນຄວາມທຸກຍາກ, ເອົາໃຈໃສ່ເບິ່ງແຍງພັດທະນາຄຸນນະພາບການສຶກສາ, ວັດທະນະທຳ, ເອົາໃຈໃສ່ເບິ່ງແຍງຜູ້ທີ່ມີຄຸນງາມຄວາມດີ. ຮັບຮູ້ບັນດາຜົນງານເຊິ່ງປະຊາຊົນແຂວງ ກວາງນາມບັນລຸໄດ້, ທ່ານປະທານປະເທດ ເຈືອງເຕີນຊາງ ໄດ້ມອບຫຼຽນໄຊ ໂຮຈີມິນເຊິ່ງແມ່ນລາງວັນອັນສູງສົ່ງຂອງພັກ ແລະ ລັດໃຫ້ແກ່ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ກວາງນາມ.