(vovworld) - ຕອນເຊົ້າວັນທີ 23/12, ຢູ່ຮ່າໂນ້ຍ, ທ່ານປະທານປະເທດ ເຈືອງເຕີນຊາງ, ຫົວໜ້າຄະນະຊີ້ນຳການປະຕິຮູບດ້ານຕຸລາການສູນກາງ, ໄດ້ເປັນປະທານການເຮັດວຽກກັບການນຳຫຼັກແຫຼ່ງຂອງສານປະຊາຊົນສູງສຸດ ກ່ຽວກັບວຽກງານຂອງສານຕ່າງໆໃນປີ 2013 ແລະ ທິດທາງ, ໜ້າທີ່ຂອງຂະແໜງສານໃນປີ 2014.
ກ່າວຄຳເຫັນຢູ່ທີ່ນີ້, ທ່ານປະທານປະເທດ ເຈືອງເຕີນຊາງ ຮຽກຮ້ອງໃຫ້ຂະແໜງສານ ສືບຕໍ່ຜັນຂະຫຍາຍການປະຕິບັດບັນດາມະຕິຂອງພັກ, ສະພາແຫ່ງຊາດກ່ຽວກັບວຽກງານຕຸລາການ ແລະ ປະຕິຮູບດ້ານຕຸລາການ ຕິດພັນກັບການປະຕິບັດບັນດາວຽກງານຂອງຂະແໜງກັບການປະຕິບັດບັນດາຄຳຮຽກຮ້ອງປະຕິຮູບດ້ານຕຸລາການຢ່າງເຂັ້ມງວດ, ໃນນັ້ນເອົາໃຈໃສ່ເປັນພິເສດເຖິງການປະຕິບັດບັນດາມະຕິຂອງສະພາແຫ່ງຊາດ ເຊິ່ງໄດ້ຮັບການຮັບຮອງເອົາ. ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ ຂະແໜງສານຄວນສຸມໃສ່ປ່ຽນໃໝ່ລະບຽບການດ້ານຕຸລາການ ເພື່ອແນໃສ່ຮັບປະກັນລັກສະນະເປີດເຜີຍ, ກະຈາງແຈ້ງ ບັນດາການເຄື່ອນໄຫວຂອງສານ, ສ້າງເງື່ອນໄຂສະດວກໃຫ້ປະຊາຊົນເມື່ອແກ້ໄຂວຽກງານຢູ່ສານ.