( vovworld.vn ) ຕອນເຊົ້າວັນທີ 6 ກຸມພາ, ທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ໄປຢ້ຽມຢາມ ແລະ ກວດກາສະພາບການພັດທະນາເສດຖະກິດສັງຄົມ ແລະ ຜັນຂະຫຍາຍໂຄງການກໍ່ສ້າງເຂດຊົນນະບົດໃໝ່ຢູ່ເມືອງ ດ້າຍໂລກ, ແຂວງ ກວາງນາມ. ກ່າວຄຳເຫັນທີ່ການເຮັດວຽກ, ທ່ານປະທານປະເທດ ເຈືອງເຕີນຊາງ ໄດ້ເນັ້ນໜັກວ່າ ໃນການພັດທະນາເສດຖະກິດຄຽງຂ້າງກັບການດຶງດູດການລົງທຶນບັນດາແຫຼ່ກຳລັງລົງທຶນພັດທະນາອຸດສາຫະກຳ ຄວນເອົາໃຈໃສ່ເຖິງການພັດທະນາກະສິກຳເພາະວ່າ ກະສິກຳຍັງຮັກສາບົດບາດສຳຄັນໃນກົນໄກເສດຖະກິດ. ຄວນກຳນົດບົດບາດຂອງຊາວກະສິກອນໃຫ້ຖືກຕ້ອງໃນການສ້າງເຂດຊົນນະບົດ ຈາກນັ້ນຈຶ່ງມີນະໂຍບາຍຢ່າງເໝາະສົມເພື່ອໃຫ້ປະຊາຊົນເປັນເຈົ້າການ. ທ່ານປະທານປະເທດ ເຈືອງເຕີນຊາງ ໄດ້ເຕັກເຕື່ອນອົງຄະນະພັກ, ອຳນາດການປົກຄອງ ແລະ ປະຊາຊົນເມືອງ ດ້າຍໂລກ ຄວນເສີມຂະຫຍາຍມູນເຊື້ອວິລະຊົນ, ສາມັກຄີນຳກັນ, ຮ່ວມແຮງຮ່ວມໃຈຜ່ານຜ່າຄວາມຫຍຸ້ງຍາກ ແລະ ສິ່ງທ້າທ້າຍຫຼາຍປະການ, ນຳໃຊ້ບັນດາໂຄງການ, ຈຸດໝາຍເສດຖະກິດຂອງພັກ, ລັດຢ່າງມີປະສິດທິຜົນ ເພື່ອນຳເມືອງກາຍເປັນເມືອງທີ່ດີ, ປະກອບສ່ວນພ້ອມກັບແຂວງ ກວາງນາມ ປະຕິບັດວິວັດການຫັນເປັນອຸດສາກະກຳ ແລະ ທັນສະໄໝຢ່າງມີໄຊ.