ທ່ານປະທານປະເທດເຈີ່ນດ້າຍກວາງສາບານຕົວຮັບດຳລົງຕຳແໜ່ງ
ທ່ານ ເຈີ່ນດ້າຍກວາງ ກຳມະການກົມການເມືອງ ຮັບດຳລົງຕຳ
ແໜ່ງເປັນປະທານປະເທດ ສສ. ຫວຽດນາມ ອາຍຸການ 2016 – 2021
(vovworld) - ຕອນບ່າຍວັນທີ 25/07 ດ້ວຍບັດສະໜັບສະໜູບຂອງສະມາຊິກສະພາແຫ່ງຊາດ 98,18% ສະພາແຫ່ງຊາດເລືອກຕັ້ງທ່ານ ເຈີ່ນດ້າຍກວາງ ກຳມະການກົມການເມືອງ ຮັບດຳລົງຕຳແໜ່ງເປັນປະທານປະເທດ ສສ. ຫວຽດນາມ ອາຍຸການ 2016 – 2021 ກ່າວຄຳເຫັນຕໍ່ສະພາແຫ່ງຊາດ ພາຍຫລັງພິທີສາບານຕົວ, ທ່ານປະທານປະເທດ ເຈີ່ນດ້າຍກວາງ ຢັ້ງຢືນວ່າ: ຈະສົມທົບກັນຢ່າງແໜ້ນແຟ້ນກັບສະພາແຫ່ງຊາດ, ລັດຖະບານ ແລະ ບັນດາອົງການທີ່ກ່ຽວຂ້ອງໃນການປະຕິບັດໜ້າທີ່ສິດອຳນາດໃນຂົງເຂດນິຕິບັດຍັດ, ບໍລິຫານ ແລະ ຕຸລາການ. ທ່ານປະທານປະເທດ ເຈີ່ນດ້າຍກວາງ ຢັ້ງຢືນວ່າ: ຈະເຮັດຈົນສຸດຄວາມສາມາດຂອງຕົນ ເພື່ອປົກປັກຮັກສາເອກະລາດ, ອະທິປະໄຕ ເອກະພາບ, ຜືນແຜ່ນດິນອັນຄົບຖ້ວນ ທີ່ສັກກະລະບູຊາຂອງປະເທດຊາດ, ຜົນປະໂຫຍດ ແລະ ຄວາມສະຫງົບຂອງແຫ່ງຊາດ, ຮັກສາສະຖຽນລະພາບດ້ານການເມືອງ - ສັງຄົມໄວ້ຢ່າງໝັ້ນຄົງ, ສ້າງສະພາບແວດລ້ອມແຫ່ງສັນຕິພາບ ເພື່ອພັດທະນາປະເທດຊາດ. ທ່ານປະທານປະເທດ ເຈີ່ນດ້າຍກວາງ ຊີ້ແຈ້ງວ່າ:
“ເປັນເຈົ້າການເຂົ້າຮ່ວມການສ້າງ, ປັບປຸງລະບົບກົດໝາຍ ແບບວິທີ ແລະ ກົນໄກການປະຕິບັດ, ຍົກສູງຜົນສັກສິດ, ປະສິດທິຜົນໃນການຄຸ້ມຄອງລັດແຫ່ງອຳນາດນິຕິບັນຍັດສັງຄົມນິຍົມຂອງປະຊາຊົນ ໂດຍປະຊາຊົນ ແລະ ເພື່ອປະຊາຊົນ”
ເມື່ອຕອບສຳພາດຕໍ່ນັກຂ່າວ VOV ພາຍຫລັງພິທີສາບານຕົວຂອງທ່ານປະທານປະເທດ, ທ່ານ ຫງວຽນຈ້ອງເຫງັຍ ສະມາຊິກສະພາແຫ່ງຊາດສັງກັດຄະນະສະພາຊິກສະພາແຫ່ງຊາດແຂວງ ຕຽນຢາງ ໃຫ້ຮູ້ວ່າ:
“ຂ້າພະເຈົ້າມີຄວາມພໍໃຈຕໍ່ຄຳປາໄສຂອງປະທານປະເທດ, ເຊິ່ງໄດ້ຢັ້ງຢືນຢ່າງຈະແຈ້ງວ່າ: ຫວຽດນາມ ຕ້ອງປະຕິບັດ 2 ໜ້າທີ່ຍຸດທະສາດກໍ່ສ້າງ ແລະ ປົກປັກຮັກສາປະເທດຊາດ. ປະທານປະເທດແມ່ນຜູ້ຊີ້ນຳນຳພາກຳລັງປະກອບອາວຸດ. ຂ້າພະເຈົ້າເຫັນວ່າ: ຜ່ານການປາໄສນັ້ນ ໄດ້ຢືນຢັນຢ່າງຈະແຈ້ງເຖິງເຈດຈຳນົງໃນຄວາມຕັດສິນໃຈ ບໍ່ພຽງແຕ່ສ່ວນຕົວປະທານປະເທດເທົ່ານັ້ນ ຫາກຍັງແມ່ນເຈດຈຳນົງໃນຄວາມຕັດສິນໃຈຂອງພັກ, ຂອງປະຊາຊົນ, ຂອງປະເທດຊາດຕໍ່ໜ້າທີ່ປະເທດຊາດ ແລະ ການສ້າງພື້ນຖານ ປ້ອງກັນຊາດ ແລະ ປ້ອງກັນຄວາມສະຫງົບ ຂອງປະຊາຊົນໃນສະພາບການໃໝ່. ”