ທ່ານປະທານປະເທດ ເຈີນດ້າຍກວາງ ເຮັດວຽກກັບ
ອົງການປະຕິບັດຄຳຕັດສິນສານ
ພາບ: Vietnam+
|
(vovworld)- ຕອນບ່າຍວັນທີ 17/2 ຢູ່ ຮ່າໂນ້ຍ, ທ່ານປະທານປະເທດ ເຈີນດ້າຍກວາງ, ຫົວຫນ້າຄະນະຊີ້ນຳການປະຕິຮູບຕຸລາການສູນກາງ ໄດ້ເຮັດວຽກກັບອົງການປະຕິບັດຄຳຕັດສິນຂອງສານອາຍາຂຶ້ນກັບກະຊວງຕຳຫລວດ, ອົງການປະຕິບັດຄຳຕັດສິນຂອງສານແພ່ງຂື້ນກັບກະຊວງຍຸຕິທຳ, ອົງການປະຕິບັດຄຳຕັດສິນຂອງສານຂຶ້ນກັບກະຊວງປ້ອງກັນປະເທດກ່ຽວກັບສະພາບການຈັດຕັ້ງ, ການເຄື່ອນໄຫວ, ວຽກງານສົມທົບກັນ, ບັນດາຄວາມຫຍຸ້ງຍາກ, ຂ້ໍຕິດຄັດ ແລະ ຄຳສະເຫນີສຳລັບວຽກງານປະຕິບັດຄຳຕັດສິນຂອງສານ.
ກ່າວຄຳເຫັນທີ່ການເຮັດວຽກ, ທ່ານປະທານປະເທດ ເຈີນດ້າຍກວາງ ສະເຫນີບັນດາອົງການປະຕິບັດຄຳຕັດສິນຂອງສານຄວນສືບຕໍ່ຊາບຊືມ, ປະຕິບັດບັນດາແຜນນະໂຍບາຍ, ແນວທາງຂອງພັກ, ລັດ ກ່ຽວກັບຂົງເຂດຕຸລາການຢ່າງມີປະສິດທິຜົນ. ທ່ານປະທານປະເທດເຈີນດ້າຍກວາງ ສະເຫນີ ບັນດາຄະນະ, ກະຊວງ, ຂະແຫນງການ, ທ້ອງຖິ່ນສືບຕໍ່ເອົາໃຈໃສ່ໃນການຊີ້ນຳ, ສ້າງເງື່ອນໄຂກ່ຽວກັບການບັນຈຸພະນັກງານ, ພື້ນຖານດ້ານວັດຖຸ, ພາຫະນະອຸປະກອນການເຮັດວຽກ, ເຄື່ອງມືຫນູນຊ່ວຍເພື່ອໃຫ້ບັນດາອົງການປະຕິບັດຄຳຕັດສິນຂອງສານປະຕິບັດບົດບາດຫນ້າທີ່ທີ່ໄດ້ຮັບການມອບໝາຍເປັນຢ່າງດີ.